കൊച്ചി: പിറവത്ത് കെട്ടിട നിർമാണം നടക്കുന്നതിനിടെ മണ്ണിടിഞ്ഞ് വീണ് മൂന്നുപേർ മരിച്ചു. അതിഥി തൊഴിലാളികളാണ് മരിച്ചത്. മൃതദേഹങ്ങൾ മണ്ണിനടിയിൽ കുടുങ്ങിക്കിടക്കുകയാണ്. പുറത്തെടുക്കാനുള്ള ശ്രമങ്ങൾ തുടരുകയാണ്. പിറവം പേപ്പതിയിലാണ് സംഭവം. കെട്ടിട നിർമാണത്തിനായി മണ്ണ് നീക്കവേ വൈകിട്ട് നാലുമണിയോടെയാണ് അപകടം.
കമ്പി നിരത്തിയതിന് മുകളിലായി കുഴിയിൽ നിന്നാണ് തൊഴിലാളികൾ ജോലി ചെയ്തിരുന്നത്. മണ്ണ് ഇടിഞ്ഞതോടെ ഇവർ താഴ്ചയിലേക്ക് വീഴുകയായിരുന്നു. ഗൗർ, സുബ്രധോ, സുകുമാർ ഘോഷ് എന്നിവരാണ് മരിച്ചത്. മൂന്നുപേരും പശ്ചിമബംഗാൾ സ്വദേശികളാണ്. ആകെ എട്ടു തൊഴിലാളികളാണ് അപകട സമയത്ത് സ്ഥലത്ത് ഉണ്ടായിരുന്നത്. സ്ഥലത്ത് പോലീസും അഗ്നിരക്ഷാ സേനയും പരിശോധന നടത്തുകയാണ്.
Most Read| 13,608 കോടി കടമെടുപ്പിന് അനുമതി നൽകും; വീണ്ടും ചർച്ച നടത്താൻ സുപ്രീം കോടതി നിർദ്ദേശം