തിരുവനന്തപുരം: കോൺഗ്രസ് വിട്ട മുതിർന്ന നേതാവ് ലതികാ സുഭാഷ് എൻസിപിയിലേക്ക്. പാർട്ടിയുടെ സംസ്‌ഥാന അധ്യക്ഷന്‍ പിസി ചാക്കോയുമായി ലതിക സുഭാഷ് കൂടിക്കാഴ്‌ച നടത്തി. ഔദ്യോഗിക പ്രഖ്യാപനം ഉടൻ ഉണ്ടാവുമെന്നാണ് സൂചന. സമാന ചിന്താഗതിയുള്ള കൂടുതൽ പേരെ കോൺഗ്രസിൽ നിന്നും എൻസിപിയിലേക്ക് എത്തിക്കാനുള്ള ശ്രമത്തിലാണ് പിസി ചാക്കോയെന്ന് റിപ്പോർട്ടുകളുണ്ട്.
കഴിഞ്ഞ തിരഞ്ഞെടുപ്പിലെ കോണ്‍ഗ്രസ് സ്‌ഥാനാർഥി പട്ടികയില്‍ പ്രതിഷേധിച്ചാണ് ലതിക സുഭാഷ് മഹിളാ കോണ്‍ഗ്രസ് അധ്യക്ഷ സ്‌ഥാനം രാജിവച്ചത്. രാജിക്ക് പുറമെ ലതിക തല മുണ്ഡനം ചെയ്‌ത്‌ പ്രതിഷേധിക്കുകയും ചെയ്‌തു. വാർത്തകൾ പുറത്തുവന്നതിന് പിന്നാലെ എൻസിപി നേതാവും മന്ത്രിയുമായ എകെ ശശീന്ദ്രൻ ലതിക സുഭാഷിനെ പാർട്ടിയിലേക്ക് സ്വാഗതം ചെയ്‌തു. അർഹമായ പരിഗണന അവർക്ക് നൽകുമെന്നും ശശീന്ദ്രൻ പ്രതികരിച്ചു.
Read Also: കൊടകര കുഴൽപ്പണ കേസ്; ബിജെപി സംസ്‌ഥാന നേതാക്കൾ ഇന്ന് ചോദ്യം ചെയ്യലിന് ഹാജരായേക്കും
