തിരുവനന്തപുരം: കോവിഡ് മുക്തനായ എം വിന്സെന്റ് നിയമസഭയിലെത്തി എംഎല്എയായി സത്യപ്രതിജ്ഞ ചെയ്തു. സ്പീക്കറുടെ ചേംബറിലായിരുന്നു അദ്ദേഹം സത്യപ്രതിജ്ഞ ചെയ്തത്. വികാര നിർഭരമായ അന്തരീക്ഷത്തിൽ ആയിരുന്നു സത്യപ്രതിജ്ഞ. ഇദ്ദേഹത്തിന്റെ അമ്മ കോവിഡ് ബാധിച്ച് ഇന്നലെ മരണപ്പെട്ടിരുന്നു.
കോവളം നിയമസഭാ മണ്ഡലത്തില് നിന്ന് വിജയിച്ച വിന്സെന്റ് കോവിഡ് ബാധിതനായതിനാല് സഭയില് ഇതുവരെ ഹാജരായിരുന്നില്ല. സ്ഥിരമായി ആരേയും തുണയ്ക്കാത്ത കോവളം മണ്ഡലത്തില് നിന്ന് തുടര്ച്ചയായ രണ്ടാം തവണയാണ് വിന്സെന്റ് സഭയിലെത്തുന്നത്. മുന് എംഎല്എയായ ജമീല പ്രകാശത്തെയാണ് ഇദ്ദേഹം പരാജയപ്പെടുത്തിയത്.
അതേസമയം 15ആം കേരള നിയമസഭയിലെ 140 എംഎല്എമാരുടെയും സത്യപ്രതിജ്ഞ പൂർത്തിയായി.
Read Also: വാക്സിൻ വിതരണം; കേന്ദ്രത്തിന് യാതൊരു ധാരണയും ഇല്ലെന്ന് ജയറാം രമേശ്