കൊല്‍ക്കത്ത: പ്രധാനമന്ത്രി നരേന്ദ്ര മോദി കള്ളം പറഞ്ഞു കൂട്ടുന്നത് നിര്‍ത്തണമെന്ന് തൃണമൂല്‍ കോണ്‍ഗ്രസ് നേതാവ് മഹുവ മൊയ്‌ത്ര. മോദി മമതക്കെതിരെ നടത്തിയ പരാമര്‍ശത്തിന് പിന്നാലെയാണ് മഹുവയുടെ പ്രതികരണം. ജവാൻമാരെ നിന്ദിക്കരുതെന്ന് മമതാ ബാനർജിയോട് പറയുന്ന മോദി കള്ളം പറയുന്നത് ആദ്യം നിർത്തണം എന്നായിരുന്നു മഹുവ ട്വിറ്ററിൽ പറഞ്ഞത്.
”ജവാന്‍മാരെ അനാദരിക്കരുത്: മമതാ ജിയെ കടന്നാക്രമിച്ച് പ്രധാനമന്ത്രി മോദി. ബഹുമാനപ്പെട്ട പ്രധാനമന്ത്രി ദയവ് ചെയ്‌ത്‌ എല്ലാ ദിവസവും രാവിലെ ഉണരുക, ഇനിപറയുന്നവ ചൊല്ലുക: കള്ളം പറയരുത്, വിദ്വേഷം പരത്തരുത്. കൊല്ലരുത്,” മഹുവ ട്വീറ്റ് ചെയ്‌തു. ജവാൻമാരുടെ പേര് പറഞ്ഞ് മുതലെടുപ്പ് നടത്തുന്ന ബിജെപിയാണ് ആത്യന്തികമായി അനാദരവ് കാണിക്കുന്നതെന്നും മഹുവ പറഞ്ഞു.
Do not disrespect jawans: PM Modi attacks Mamataji
Hon’ble PM – pls wake up every morning & chant the following:
Do NOT lie
Do NOT hate
Do NOT killUltimate disrespect to jawans is to use them as @BJP pawns.
— Mahua Moitra (@MahuaMoitra) April 12, 2021
ബര്‍ദമാനില്‍ നടന്ന തിരഞ്ഞെടുപ്പ് റാലിയില്‍ വെച്ചായിരുന്നു നരേന്ദ്രമോദി മമതയെ കുറ്റപ്പെടുത്തിയത്. ജവാൻമാരെ നിന്ദിക്കുകയും തന്റെ പ്രവര്‍ത്തകരെ കേന്ദ്രസേനക്കെതിരെ പോരാടാന്‍ മമത ബാനര്‍ജി പ്രേരിപ്പിക്കുകയും ചെയ്‌തെന്ന് മോദി പറഞ്ഞു.
Read also: വിദ്വേഷ പരാമർശം നടത്തുന്നവരെ നിയന്ത്രിക്കാൻ ബില്ല് പാസാക്കും; മമതാ ബാനർജി
