മലപ്പുറം: അസ്തിത്വം, അവകാശം, യുവനിര വീണ്ടെടുക്കുന്നു എന്ന പ്രമേയത്തില് എസ്കെ എസ്എസ്എഫ് സംസ്ഥാന പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങളുടെ നേതൃത്വത്തില് തിരുവനന്തപുരം മുതല് മംഗലാപുരം വരെ നടത്തുന്ന മുന്നേറ്റ യാത്ര ജനുവരി 6 ബുധന് ജില്ലയിലെ വിവിധയിടങ്ങളില് പര്യടനം നടത്തും.
‘മുന്നേറ്റ യാത്ര’ വിജയിപ്പിക്കാന് മുഴുവന് പ്രവര്ത്തകരും മുന്നിട്ടിറങ്ങണമെന്നും സ്വീകരണ കേന്ദ്രങ്ങളില് ജില്ലാ-മണ്ഡലം-പഞ്ചായത്ത്-യൂണിറ്റ് ഭാരവാഹികള് സംബന്ധിക്കണമെന്നും എസ്വൈഎസ് ഈസ്ററ് ജില്ലാ പ്രസിഡണ്ട് പാണക്കാട് സയ്യിദ് അബ്ബാസലി ശിഹാബ് തങ്ങള്, ജനറല് സെക്രട്ടറി സലീം എടക്കര എന്നിവര് അറിയിച്ചു. എസ്വൈഎസ് ഈസ്ററ് ജില്ലാ സെക്രട്ടറിയേറ്റ് നാളെ (ബുധന്) കാലത്ത് 8.30ന് മലപ്പുറം സുന്നി മഹലില് ചേരുമെന്നും സലീം എടക്കര പറഞ്ഞു.
Most Read: കോവിഡിന്റെ പുതിയ വകഭേദം കേരളത്തിലും; 6 പേർക്ക് സ്ഥിരീകരിച്ചു