തിരുവനന്തപുരം : മലയാള ചലച്ചിത്ര നടന് അനില് നെടുമങ്ങാട്(48) അന്തരിച്ചു. തൊടുപുഴ മലങ്കര ഡാമില് കുളിക്കാനിറങ്ങിയപ്പോഴാണ് സംഭവം. ഡാമിൽ കുളിക്കാനിറങ്ങിയ അനില് കയത്തില് പെടുകയായിരുന്നു. തുടര്ന്ന് നടത്തിയ തിരച്ചിലിനൊടുവിലാണ് മൃതദേഹം കണ്ടെടുത്തത്.
നെടുമങ്ങാട് സ്വദേശിയായ അനില് സിനിമ ഷൂട്ടിങിനിടെയാണ് ഡാമില് സുഹൃത്തുക്കള്ക്കൊപ്പം കുളിക്കാനിറങ്ങിയത്. 1972ല് നെടുമങ്ങാട് ജനിച്ച അനില് കൈരളി ടിവി, ഏഷ്യാനെറ്റ്, ജയ്ഹിന്ദ്, തുടങ്ങി നിരവധി ടെലിവിഷന് ചാനലുകളില് അവതാരകനായും പ്രോഗ്രാം പ്രൊഡ്യൂസറായും പ്രവര്ത്തിച്ചിട്ടുണ്ട്.
അയ്യപ്പനും കോശിയും, പൊറിഞ്ചു മറിയം ജോസ്, പാവാട, കമ്മട്ടിപ്പാടം, ഞാന് സ്റ്റീവ് ലോപ്പസ്, മണ്ട്രോത്തുരുത്ത്, ആമി, മേല്വിലാസം, ഇളയരാജ തുടങ്ങിയ ചിത്രങ്ങളില് ശ്രദ്ധേയമായ വേഷങ്ങള് ചെയ്ത് ജനപ്രീതി നേടിയ അഭിനേതാവാണ് അനിൽ നെടുമങ്ങാട്.
Read also : ഒരു വര്ഷം കാർഷിക നിയമം നടപ്പാക്കാന് അനുവദിക്കണം; രാജ്നാഥ് സിംഗ്