വാഷിംഗ്‌ടൺ: വൈറ്റ് ഹൗസ് മിലിറ്ററി ഓഫീസ് ഡയറക്‌ടറായി മലയാളിയായ മജു വർഗീസിനെ യുഎസ് പ്രസിഡണ്ട് ജോ ബൈഡൻ നിയമിച്ചു. വൈറ്റ് ഹൗസിലെ സൈനിക ഏകോപനം, പ്രസിഡണ്ടിന്റെ ഔദ്യോഗിക യാത്രകൾ, അടിയന്തിര വൈദ്യ സഹായത്തിനുള്ള ഒരുക്കങ്ങൾ എന്നീ ചുമതലകളെല്ലാമാണ് മിലിറ്ററി ഓഫീസിന്റെ കീഴിൽ വരുന്നത്.
ജോ ബൈഡൻ, കമല ഹാരിസ് സ്‌ഥാനാരോഹണ ചടങ്ങിന്റെ ചുമതല വഹിച്ചത് മജു വർഗീസ് ആയിരുന്നു. നേരത്തെ ഒബാമ ഭരണകൂടത്തിലും മജു വർഗീസ് സേവനമനുഷ്‌ഠിച്ചിരുന്നു. 2015ലെ ഒബാമയുടെ ഇന്ത്യ സന്ദർശനത്തിന്റെ ചുമതലയും മജു വർഗീസ് വഹിച്ചിരുന്നു. തിരുവല്ല സ്വദേശികളാണ് അഭിഭാഷകനായ മജുവിന്റെ മാതാപിതാക്കൾ.
Also Read: അധികാരത്തില്‍ വന്നാല്‍ ബംഗാളില്‍ പശുക്കടത്ത് അവസാനിപ്പിക്കും; യോഗി ആദിത്യനാഥ്
