കൊച്ചി: കോവിഡ് രോഗികള്ക്ക് ആവശ്യമായ വിറ്റാമിന് മരുന്നുകൾ ഉള്പ്പടെയുള്ള സഹായങ്ങളുമായി നടന് മമ്മൂട്ടി. എറണാകുളം ലോക്സഭാ മണ്ഡലത്തില് ഹൈബി ഈഡന് എംപിയുടെ നേതൃത്വത്തില് നടത്തിവരുന്ന മരുന്ന് വിതരണത്തിനാണ് മമ്മൂട്ടി സഹായവുമായി എത്തിയത്. 40 ദിവസം പിന്നിടുന്ന പദ്ധതിയിലൂടെ 28 ലക്ഷം രൂപയുടെ മരുന്നുകളാണ് ഇതിനകം വിതരണം ചെയ്തത്.
രമേശ് പിഷാരടിയോടൊപ്പാണ് മമ്മൂട്ടി സഹായങ്ങള് കൈമാറിയത്. വിറ്റാമിന് മരുന്നുകള്, പ്രതിരോധ പ്രവര്ത്തകര്ക്ക് ആവശ്യമായ പള്സ് ഓക്സി മീറ്ററുകള്, സാനിറ്റൈസര് എന്നിവ അദ്ദേഹം നല്കി. മലയാളത്തിന്റെ സ്വകാര്യ അഹങ്കാരംനൽകിയ പിന്തുണ പദ്ധതിക്ക് കൂടുതൽ ഊർജമേകുമെന്ന് ഹൈബി ഈഡൻ എംപി ഫേസ്ബുക്കിൽ കുറിച്ചു.
Also Read: ലോക്ക്ഡൗൺ; ബിജെപി കോര് കമ്മിറ്റി യോഗം വിലക്കി പോലീസ്