കൊയിലാണ്ടി: സമൂഹ മാദ്ധ്യമങ്ങളിലൂടെ കൊച്ചുകുട്ടികളുടെ ഫോട്ടോ ഉപയോഗിച്ച് ചികിൽസ ധനസഹായത്തിന്റെ പേരിൽ തട്ടിപ്പ് നടത്തിയ യുവാവ് അറസ്റ്റിൽ. പാനൂർ രൂപക്കുന്ന് മുജ്തബയാണ് (27) അറസ്റ്റിലായത്. ഫേസ്ബുക്ക് വഴി കൊച്ചുകുട്ടികളുടെ ഫോട്ടോകളെടുത്ത് പേരും സ്ഥലവും മറ്റു വിവരങ്ങളും മാറ്റി മാരകരോഗത്തിന് ചികിൽസക്കെന്ന പേരിൽ പണം തട്ടിയെടുക്കുകയാണ് ഇയാൾ ചെയ്തിരുന്നത്.
കൊയിലാണ്ടി എസ്എച്ച്ഒ കെസി സുഭാഷ് ബാബു, എഎസ്ഐ പ്രദീപ്, എസ്സിപിഒമാരായ മണികണ്ഠൻ, ബിജു വാണിയംകുളം എന്നിവർ ചേർന്നാണ് ഇയാളെ അറസ്റ്റ് ചെയ്തത്. പയ്യോളി ജുഡീഷ്യൽ മജിസ്ട്രേറ്റ് കോടതി പ്രതിയെ റിമാൻഡ് ചെയ്തു.
Read also: കാട്ടാനയുടെ ആക്രമണത്തിൽ പരിക്കേറ്റ സ്ത്രീ മരിച്ചു