ജമൈക്ക: സന്ദര്ശകരെ ആകര്ഷിക്കാന് സിംഹക്കൂട്ടിൽ കയ്യിട്ട് മൃഗശാല സൂക്ഷിപ്പുകാരന്. ഒടുവില് സിംഹം യുവാവിന്റെ വിരല് കടിച്ചെടുത്തു. സമൂഹമാദ്ധ്യമങ്ങളില് ഇതിന്റെ വീഡിയോ പ്രചരിക്കുകയാണ്. ജമൈക്കയിലാണ് സംഭവം. ഇത് കണ്ടുനിന്നവരാണ് വീഡിയോ പകര്ത്തിയത്. ഇത് ആസ്വദിച്ച് ചിരിച്ചുകൊണ്ടാണ് അവരും വീഡിയോ എടുത്തിരിക്കുന്നത്.
മൃഗശാല സൂക്ഷിപ്പുകാരന് സിംഹത്തിന്റെ വായില് കയ്യിടുമ്പോൾ തന്നെ സിംഹം തലവെട്ടിച്ചുമാറ്റാനും ഒഴിഞ്ഞുമാറാനും ശ്രമിക്കുന്നുണ്ട്. പ്രകോപനപരമായ ഇടപെടൽ സിംഹത്തിനെ ചൊടിപ്പിച്ചു. പിന്നീടാണ് യുവാവിന്റെ വിരല് കടിച്ചുപിടിച്ച് സിംഹം അക്രമിക്കാന് തുടങ്ങിയത്. പരാക്രമത്തിനൊടുവില് വിരലിലെ മാംസം സിംഹം കടിച്ചെടുത്തു. യുവാവിന് തിരികെ അസ്ഥി മാത്രമാണ് കിട്ടിയതെന്നാണ് റിപ്പോര്ട്ടുകള്.
“ആദ്യം തമാശയാണെന്നാണ് കരുതിയത്. പിന്നീടാണ് സംഭവത്തിന്റെ തീവ്രത മനസിലായത്. മാംസം മുഴുവനും അടര്ന്നുപോയ നിലയിലായിരുന്നു കണ്ടത്. ഒരിക്കലും നടക്കാന് പാടില്ലാത്ത ഒന്നു നടന്നു. ഇനി ആവര്ത്തിക്കാതെ നോക്കും,”- മൃഗശാല അധികൃതര് പറഞ്ഞു.
Show off bring disgrace
The lion at Jamaica Zoo ripped his finger off. pic.twitter.com/Ae2FRQHunk
— Ms blunt from shi born ?? “PRJEFE” (@OneciaG) May 21, 2022
Most Read: കനത്ത മഴ; റോഡിൽ പതിയിരിപ്പുണ്ട് അപകടങ്ങൾ, ഇക്കാര്യങ്ങൾ ശ്രദ്ധിക്കാം