മുംബൈ: നിയമസഭാ തിരഞ്ഞെടുപ്പിൽ നേടിയ വിജയത്തിന് പിന്നാലെ മുംബൈയിലെത്തി മുതിര്ന്ന എന്സിപി നേതാക്കളെ കണ്ട് നിയുക്ത എംഎൽഎ മാണി സി കാപ്പൻ. മുംബൈയിലെത്തി മുതിര്ന്ന നേതാക്കളായ സുപ്രിയ സുലെ, ഭൂപേഷ് ബാബു എന്നിവരുമായാണ് മാണി സി കാപ്പന് കൂടിക്കാഴ്ച നടത്തിയത്.
മാണി സി കാപ്പനുമൊത്തുള്ള ചിത്രം എന്സിപി നേതാവ് സുപ്രിയ സുലെയാണ് ട്വിറ്ററില് പങ്കുവച്ചത്. “യുഡിഎഫ് എംഎല്എ മാണി സി കാപ്പനും ഭൂപേഷ് ബാബുവിനുമൊപ്പം നവി മുംബൈയില്. അഭിനന്ദനങ്ങള്, ആശംസകള്,”- എന്ന കുറിപ്പോടെയാണ് സുപ്രിയ ഫോട്ടോ ട്വീറ്റ് ചെയ്തത്.
With UDF Pala MLA Mani. C. Kappan and Bhupesh Babu from Navi Mumbai. Congratulations! Good Luck and Best Wishes ?? pic.twitter.com/8AbBRlRlL2
— Supriya Sule (@supriya_sule) May 4, 2021
പാലാ സീറ്റ് സംബന്ധിച്ച തര്ക്കത്തെ തുടർന്ന് എൽഡിഎഫ് വിട്ട മാണി സി കാപ്പന് യുഡിഎഫിൽ എത്തുകയും തുടര്ന്ന് നാഷണലിസ്റ്റ് കോണ്ഗ്രസ് കേരള എന്ന പാര്ട്ടി രൂപീകരിക്കുകയും ആയിരുന്നു. ഇത്തവണ യുഡിഎഫ് ടിക്കറ്റിലാണ് മാണി സി കാപ്പന് പാലായില് നിന്ന് മൽസരിച്ച് ജയിച്ചത്.
കേരള കോണ്ഗ്രസ് എം അധ്യക്ഷന് ജോസ് കെ മാണിയെ പരാജയപ്പെടുത്തിയാണ് മാണി സി കാപ്പന് വിജയിച്ചത്.
Also Read: ട്വന്റി-20 ആശയകുഴപ്പം സൃഷ്ടിച്ചു; അവർക്കും സർക്കാരിനും കിറ്റ് രാഷ്ട്രീയമെന്ന് വിഫോർ കേരള