തിരുവനന്തപുരം: എന്സിപിയില് ആഭ്യന്തര കലഹം രൂക്ഷമാകുന്നു. എല്ഡിഎഫ് വിടണമെന്ന ആവശ്യവുമായി മാണി സി കാപ്പന് രംഗത്തെത്തി. പ്രഭുല് പട്ടേലിനെ കാപ്പൻ ആവശ്യം അറിയിച്ചു. സംസ്ഥാന സെക്രട്ടറി ടിപി പീതാംബരനും ഇതേ നിലപാടിലാണ്.
അതേസമയം പ്രഭുല് പട്ടേലും ശരദ് പവാറുമായി എകെ ശശീന്ദ്രന് ഡെൽഹിയിൽ കൂടിക്കാഴ്ച നടത്തും.
എല്ഡിഎഫിന്റെ അവഗണന സഹിച്ച് ഇനിയും ഇടത് മുന്നണിയില് തുടരേണ്ട ആവശ്യമില്ലെന്നാണ് മാണി സി കാപ്പന്റെ നിലപാട്. എത്രയും വേഗം യുഡിഎഫിലേക്ക് ചേക്കേറണമെന്നാണ് മാണി സി കാപ്പൻ പറയുന്നത്.
എന്നാൽ എന്സിപിയില് സമവായ ശ്രമത്തിനാണ് ദേശീയ അധ്യക്ഷന് ശരദ് പവാര് ശ്രമിക്കുന്നത്. സംസ്ഥാന നേതൃത്വത്തെ അദ്ദേഹം ഡെല്ഹിയിലേക്ക് വിളിപ്പിച്ചിരുന്നു.
Read Also: ബജറ്റ് രാജ്യത്തിന് വേണ്ടിയാകണം, തിരഞ്ഞെടുപ്പിനല്ല; മഹാരാഷ്ട്ര മുഖ്യമന്ത്രി