മുംബൈ: രണ്ടുദിവസമായുള്ള തളർച്ചയിൽ നിന്ന് ഉയർത്തെഴുന്നേറ്റ് ഓഹരി സൂചികകൾ. നിഫ്റ്റി 14,400ന് അടുത്തെത്തി. സെൻസെക്സ് 359 പോയന്റ് നേട്ടത്തിൽ 48,923 പോയിന്റിലാണ് വ്യാപാരം ആരംഭിച്ചത്. നിഫ്റ്റി 100 പോയന്റ് ഉയർന്ന് 14,381ലുമാണ് ഇന്ന് വ്യാപാരം തുടങ്ങിയത്. ബിഎസ്ഇയിലെ 999 കമ്പനികളുടെ ഓഹരികൾ നേട്ടത്തിലും 232 ഓഹരികൾ നഷ്ടത്തിലുമാണ്. 28 ഓഹരികൾക്ക് മാറ്റമില്ല.
ബജാജ് ഫിനാൻസ്, ഇൻഡസിൻഡ് ബാങ്ക്, ഒഎൻജിസി, എസ്ബിഐ, മാരുതി സുസുകി, റിലയൻസ്, ആക്സിസ് ബാങ്ക്, എച്ച്സിഎൽ ടെക്, സൺ ഫാർമ, ഇൻഫോസിസ്, ഏഷ്യൻ പെയിന്റ്സ്, ഐസിഐസിഐ ബാങ്ക് തുടങ്ങിയ ഓഹരികളാണ് നേട്ടത്തിൽ. നിഫ്റ്റി ബാങ്ക്, ഐടി, റിയാൽറ്റി, എഫ്എംസിജി സൂചികകളെല്ലാം നേട്ടത്തിലാണ്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകൾ 1.25 ശതമാനത്തോളം ഉയർന്നു.
Read Also: റേറ്റിംഗ് കൃത്രിമം; റിപ്പബ്ളിക് ടിവിയുടെ അംഗീകാരം റദ്ദാക്കണമെന്ന് എൻബിഎ