മുംബൈ: ഓഹരി വിപണി നേട്ടത്തോടെ ആരംഭിച്ചു. ഇന്നലെ വിപണി ആരംഭിച്ചത് നഷ്‌ടത്തിലായിരുന്നു. എന്നാൽ ഇന്ന് രാവിലെ തന്നെ സെൻസെക്‌സ് 550 പോയിന്റ് ഉയർന്ന് 55,350ലും എൻഎസ്ഇ നിഫ്റ്റി 170 പോയിന്റ് ഉയർന്ന് 16,500ലും ആണ് വ്യാപാരം ആരംഭിച്ചത്.
വിപണിയുടെ തുടക്കത്തിൽ ബിഎസ്ഇയിൽ ഇന്ന് നേട്ടത്തിലുള്ള ഓഹരികൾ റിലയൻസ്, ഇൻഡസ്ഇൻഡ് ബാങ്ക്, ടെക് എം, ടാറ്റ സ്‌റ്റീൽ, ഇൻഫോസിസ്, ടൈറ്റൻ എന്നിവയുടേതാണ്. 2.7 ശതമാനം വരെയാണ് ഇവ നേട്ടമുണ്ടാക്കിയത്. അതേസമയം, നിഫ്റ്റിയിൽ 5 ശതമാനത്തിലധികം ഉയർന്ന് ഒഎൻജിസിയും തൊട്ടുപിന്നിൽ ഹിൻഡാൽകോയും നേട്ടം കൊയ്യുന്നു.
വിപണിയിൽ ഇന്ന് എച്ച്‌യുഎൽ ഓഹരികൾ ദുർബലമായി തുടങ്ങിയെങ്കിലും വൈകാതെ ഉയർന്നു തുടങ്ങി. നെസ്‌ലെ, എസ്ബിഐ ലൈഫ് ഓഹരികൾ നഷ്‌ടം നേരിട്ടു. അതേസമയം, ബിഎസ്‌ഇ മിഡ്‌ക്യാപ്, സ്മോൾ ക്യാപ് സൂചികകൾ 0.9 ശതമാനം വരെ ഉയർന്നു.
Read Also: ജിഎസ്‌ടി; സപ്ളൈകോ വഴി സബ്‌സിഡിയോടെ വിൽക്കുന്ന 13 ഉൽപന്നങ്ങൾക്ക് വില കൂടും
