തിരുവനന്തപുരം: കിഴക്കമ്പലത്ത് അതിഥി തൊഴിലാളികൾ നടത്തിയ അക്രമത്തിനിടെ പരിക്കേറ്റ പോലീസ് ഉദ്യോഗസ്‌ഥരുടെ ചികിൽസാ ചിലവ് പോലീസ് വഹിക്കും. അതിക്രമത്തിനിരയായ ഉദ്യോഗസ്‌ഥർ ചികിൽസക്കായി ഇതിനകം മുടക്കിയ പണം തിരികെ നൽകും. ചികിൽസ തുടരുന്നവർക്ക് ആവശ്യമായ പണം നൽകാനും തീരുമാനമായതായി ഡിജിപി അനിൽ കാന്ത് വ്യക്‌തമാക്കി.
അക്രമത്തിനിരയായ പോലീസുകാർക്ക് ഇതുവരെ സർക്കാർ ചികിൽസ സഹായം നൽകിയിട്ടില്ലെന്ന് കേരള പോലീസ് അസോസിയേഷൻ ആരോപിച്ചിരുന്നു. കഴിഞ്ഞദിവസം ഡിസ്‌ചാർജ്‌ ചെയ്‌തപ്പോഴും പോലീസുകാർക്ക് സ്വന്തം പണം ചെലവഴിക്കേണ്ടിവന്നു.
കൃത്യ നിർവഹണത്തിനിടെ സംഭവിച്ച കാര്യത്തിന് ചികിൽസാ ചിലവ് വഹിക്കേണ്ട ഉത്തരവാദിത്വം സർക്കാരിന് ഉണ്ടെന്നും പോലീസ് അസോസിയേഷൻ ചൂണ്ടിക്കാട്ടിയിരുന്നു. പിന്നാലെയാണ് ചികിൽസാ ചിലവ് വഹിക്കുമെന്ന അറിയിപ്പ് പോലീസ് ആസ്‌ഥാനത്തുനിന്ന് പുറത്തുവന്നത്.
Read also: കെ-റെയിൽ; സർക്കാരിനെ പരിഹസിച്ച് കെ മുരളീധരൻ എംപി
