പാരിസ്: ക്‌ളബ് ബാഴ്‌സലോണ വിട്ട് പാരിസിലെത്തിയ ലയണൽ മെസിയുടെ പിഎസ്‌ജി അരങ്ങേറ്റം അടുത്ത ആഴ്‌ച ഉണ്ടാകുമെന്ന് കോച്ച് മൗറീസിയോ പോച്ചെറ്റിനോ. റെയിംസിനെതിരെ ഓഗസ്‌റ്റ്‌ 30ന് നടക്കുന്ന മൽസരത്തിൽ മെസി പിഎസ്‌ജിക്കായി അരങ്ങേറുമെന്നാണ് കോച്ച് പറയുന്നത്. ഇഎസ്‌പിഎക്ക് നൽകിയ അഭിമുഖത്തിലാണ് അദ്ദേഹം ഇക്കാര്യം അറിയിച്ചത്.
അതേസമയം, ഖത്തർ ലോകകപ്പ് യോഗ്യതാ മൽസരങ്ങളുടെ ഭാഗമായി മെസിക്ക് അർജന്റീന ദേശീയ ടീമിനൊപ്പം ചേറിന്റെ വന്നാൽ ക്‌ളബ് തടസം നിക്കില്ലെന്നും പോച്ചെറ്റിനോ വ്യക്‌തമാക്കി.
ബാഴ്‌സ വിട്ട് രണ്ടുവർഷത്തെ കരാറിലാണ് മെസി പിഎസ്‌ജിയിൽ എത്തിയിരിക്കുന്നത്. അർജന്റീനക്ക് ഒപ്പം കോപ്പ അമേരിക്ക കിരീടം നേടിയ ശേഷം കുടുംബത്തോടൊപ്പം അവധിക്കാലം ചെലവിടുകയായിരുന്നു മെസി. ഇതോടെ ഒരു മാസത്തോളം പരിശീലനം മുടങ്ങിയിരുന്നു. ഇതിനാലാണ് താരത്തിന്റെ പിഎസ്‌ജി അരങ്ങേറ്റം വൈകുന്നത്.
Also Read: അഫ്‌ഗാനിൽ നിന്ന് മുഴുവൻ മലയാളികളെയും തിരിച്ചെത്തിച്ചു
