തിരുവനന്തപുരം: എം എം ഹസനെ യുഡിഎഫ് കണ്വീനറായി പ്രഖ്യാപിച്ചു. പ്രതിപക്ഷ നേതാവ് രമേശ് ചെന്നിത്തലയാണ് ഇക്കാര്യം പ്രഖ്യാപിച്ചത്. ബെന്നി ബെഹ്നാൻ രാജിവച്ച ഒഴിവിലേക്കാണ് നിയമനം. സെപ്റ്റംബര് 27നാണ് ബെന്നി ബെഹ്നാൻ യുഡിഎഫ് കണ്വീനര് സ്ഥാനം രാജിവച്ചത്.
എംപിയായതോടെ ബെന്നി ബെഹ്നാനെ കണ്വീനര് സ്ഥാനത്തുനിന്ന് മാറ്റാന് ആലോചന ഉണ്ടായിരുന്നു. ഇക്കാര്യം അറിയിച്ച് കെപിസിസി ഹൈക്കമാന്ഡിന് കത്തെഴുതിയിരുന്നു. ബെന്നി ബെഹ്നാൻ പാര്ലമെന്റ് അംഗമായി വിജയിച്ചതിനാല് കണ്വീനര് സ്ഥാനത്ത് എം എം ഹസന് വരട്ടേയെന്ന നിര്ദ്ദേശം എ ഗ്രൂപ്പ് നേതാക്കളാണ് മുന്നോട്ടു വച്ചത്. ഇതനിടെ ബെന്നി ബെഹ്നാൻ ഐ ഗ്രൂപ്പുമായി അടുക്കുന്നെന്ന തരത്തില് വാര്ത്തകള് പ്രചരിച്ചു. ഇതിനു പിന്നാലെയാണ് ബെന്നി ബെഹ്നാൻ രാജി പ്രഖ്യാപിച്ചത്.
Read also: ഇന്ത്യ ടുഡേ ഹെല്ത്ത് ഗിരി അവാര്ഡ് കേരളത്തിന്