സീതാപൂർ: ഉത്തർപ്രദേശിലെ സുൽത്താൻപൂർ പ്രദേശത്ത് പീഡനത്തെ തുടർന്ന് 15 വയസുകാരി ആത്‌മഹത്യ ചെയ്‌തു. സംഭവത്തിൽ 17 കാരൻ പിടിയിലായതായി പോലീസ് അറിയിച്ചു.
പെൺകുട്ടിയെ പീഡിപ്പിച്ച 17കാരന് എതിരെ എഫ്‌ഐആർ രജിസ്‌റ്റർ ചെയ്‌തിട്ടുണ്ടെന്നും അറസ്‌റ്റ് രേഖപ്പെടുത്തിയിട്ടുണ്ട് എന്നും സീതാപൂർ പോലീസ് സൂപ്രണ്ട് ആർ പി സിംഗ് പറഞ്ഞു. സംഭവത്തിൽ കൂടുതൽ അന്വേഷണം പുരോഗമിക്കുകയാണ് എന്നും അദ്ദേഹം വ്യക്‌തമാക്കി.
അതേസമയം സംഭവത്തിൽ പരാതി ലഭിച്ചിട്ടും നടപടി വൈകിപ്പിച്ച സുൽത്താൻപൂർ, കാസി കമൽപൂർ പോലീസ് സ്‌റ്റേഷനുകളുടെ ചുമതലയുള്ള പോലീസ് ഉദ്യോഗസ്‌ഥനെ സസ്‌പെൻഡ് ചെയ്‌തതായി നോർത്ത് അസിസ്‌റ്റന്റ് പോലീസ് സൂപ്രണ്ട് രാജീവ് ദീക്ഷിത് അറിയിച്ചു.
Read Also: പശ്‌ചിമ ബംഗാൾ തിരഞ്ഞെടുപ്പ്; ബിജെപി പ്രകടന പത്രിക ഇന്ന് പുറത്തിറക്കും
