തിരുവനന്തപുരം: സംസ്‌ഥാനത്തെ വാക്‌സിൻ ക്ഷാമത്തിന് താൽക്കാലിക ആശ്വാസം. നാലേമുക്കാൽ ലക്ഷം ഡോസ് വാക്‌സിൻ സംസ്‌ഥാനത്തെത്തിച്ചു.
നാല് ലക്ഷം കോവിഷീൽഡ് വാക്‌സിനും 75,000 ഡോസ് കോവാക്‌സിനും ആണ് എത്തിച്ചത്. എറണാകുളം, കോഴിക്കോട് മേഖലാ കേന്ദ്രങ്ങളിലേക്ക് ബുധനാഴ്‌ച വാക്‌സിൻ കൈമാറും.
സംസ്‌ഥാനത്തിന് ഒരാഴ്‌ചത്തെ ഇടവേളയ്‌ക്ക് ശേഷമാണ് വാക്‌സിൻ ലഭിക്കുന്നത്. വാക്‌സിൻ സ്‌റ്റോക്കില്ലാത്തതിനാൽ കഴിഞ്ഞ ദിവസം വളരെ കുറച്ച് കേന്ദ്രങ്ങളിൽ മാത്രമാണ് വാക്‌സിൻ വിതരണം നടന്നത്. നാലേമുക്കാല്‍ ലക്ഷം ഡോസ് വാക്‌സിൻ എത്തിയതോടെ സംസ്‌ഥാനത്തെ വാക്‌സിൻ ക്ഷാമത്തിന് താൽക്കാലിക പരിഹാരമാകും.
Read Also: കോവിഡ് പ്രതിസന്ധി; ഓക്‌സിജൻ വാർറൂം & കൺട്രോൾറൂം നമ്പറുകൾ ഇതാണ്
