തിരുവനന്തപുരം : കോവിഡിനെ തുടർന്ന് നിർത്തി വച്ചിരുന്ന കൂടുതൽ ട്രെയിനുകൾ സംസ്‌ഥാനത്ത് നാളെ മുതൽ സർവീസ് തുടങ്ങും. ഇതോടെ ഇന്റർസിറ്റി എക്‌സ്‌പ്രസും, ജനശതാബ്‌ദി എക്‌സ്‌പ്രസും ഉൾപ്പടെ നിർത്തിവച്ചിരുന്ന മിക്ക ട്രെയിനുകളും നാളെ മുതൽ വീണ്ടും ഓടിത്തുടങ്ങും. ഈ സർവീസുകളിലേക്കുള്ള റിസർവേഷനും ആരംഭിച്ചതായി അധികൃതർ വ്യക്‌തമാക്കി.
കോവിഡ് വ്യാപനത്തിന്റെ പശ്‌ചാത്തലത്തിൽ ഭാഗികമായി നിർത്തിവച്ച പല ട്രെയിനുകളും നാളെ മുതൽ വീണ്ടും സർവീസ് നടത്താനാണ് റെയിൽവേയുടെ തീരുമാനമെന്ന് അധികൃതർ പറഞ്ഞു. ഇതിന് പുറമേ കൂടുതൽ ദീർഘദൂര ട്രെയിനുകൾ സർവീസ് തുടങ്ങുന്ന കാര്യം സംബന്ധിച്ച് റെയിൽവേ നാളെ പ്രഖ്യാപനം നടത്തിയേക്കും.
കോവിഡ് വ്യാപനം രൂക്ഷമായതും, തുടർന്ന് ഏർപ്പെടുത്തിയ ലോക്ക്ഡൗണും ട്രെയിനുകളിലെ യാത്രക്കാരുടെ എണ്ണത്തെ വലിയ രീതിയിൽ ബാധിച്ചു. തുടർന്നാണ് സർവീസുകൾ പലതും വെട്ടിക്കുറക്കാൻ റെയിൽവേ തീരുമാനിച്ചത്. എന്നാൽ ചില ദീർഘദൂര സർവീസുകൾ ലോക്ക്ഡൗണിനിടയിലും തുടർന്നിരുന്നു.
Read also : നെൻമാറയിൽ പെൺകുട്ടിയെ ഒളിവിൽ പാ‌‌ർപ്പിച്ച സംഭവം; വനിതാ കമ്മീഷന്‍ ഇന്ന് തെളിവെടുപ്പ് നടത്തും
