മെഗാ സ്റ്റാർ മമ്മൂട്ടി മുഖ്യമന്ത്രിയായെത്തുന്ന ‘വൺ’ എന്ന ചിത്രത്തിൽ മുരളി ഗോപി പ്രതിപക്ഷ നേതാവായി വേഷമിടും. മുരളി ഗോപിയുടെ പിറന്നാൾ ദിനമായ ഇന്ന് അദ്ദേഹത്തിന്റെ ക്യാരക്ടർ പോസ്റ്റർ മമ്മൂട്ടി ഫേസ്ബുക്കിൽ പങ്കുവെച്ചു.
‘പ്രിയപ്പെട്ട മുരളി ഗോപിക്ക് പിറന്നാൾ ദിനാശംസകൾ. വൺ എന്ന ചിത്രത്തിലെ പ്രതിപക്ഷ നേതാവ് മരമ്പള്ളി ജയാനന്ദനായി അദ്ദേഹത്തെ നിങ്ങൾക്ക് മുമ്പിൽ അവതരിപ്പിക്കാനായതിൽ സന്തോഷം’ ചിത്രത്തിന് അടിക്കുറിപ്പായി മമ്മൂട്ടി എഴുതി. മമ്മൂട്ടിക്കൊപ്പം സ്ക്രീൻ പങ്കിടാൻ സാധിച്ചത് ഒരു അംഗീകാരമായി കരുതുന്നുവെന്ന് മുരളി ഗോപി പ്രതികരിച്ചു.
പൊളിറ്റിക്കൽ എന്റർടൈനർ സ്വഭാവത്തിലുള്ള ചിത്രം സന്തോഷ് വിശ്വനാഥാണ് ഒരുക്കുന്നത്. ബോബി-സഞ്ജയ് ടീമിന്റെതാണ് തിരക്കഥ. ഇച്ചായിസ് പ്രൊഡക്ഷന്സിന്റെ ബാനറില് ശ്രീലക്ഷ്മിയാണ് നിർമാണം. വൈദി സോമസുന്ദരം ക്യാമറയും, ഗോപിസുന്ദര് സംഗീത സംവിധാനവും നിർവഹിക്കുന്നു.
Read also: ‘ബധായി ഹോ’ തമിഴിലേക്ക്