മലപ്പുറം: നിയമസഭാ തിരഞ്ഞെടുപ്പിനുള്ള മുസ്ലിം ലീഗിന്റെ സ്ഥാനാർഥി പട്ടിക ഒരാഴ്ചക്കകം പൂർത്തിയാകുമെന്ന് പാര്ട്ടി ദേശീയ ജനറല് സെക്രട്ടറി പികെ കുഞ്ഞാലിക്കുട്ടി. യുഡിഎഫ് നേതാക്കളുമായി കൂടിക്കാഴ്ച നടത്തിയ ശേഷം ഇക്കാര്യത്തില് അന്തിമ തീരുമാനമെടുക്കും എന്നും അദ്ദേഹം പറഞ്ഞു.
പാണക്കാട് ചേര്ന്ന ലീഗ് നേതൃയോഗത്തിന് ശേഷമാണ് കുഞ്ഞാലിക്കുട്ടിയുടെ പ്രതികരണം. സംസ്ഥാന അധ്യക്ഷന് പാണക്കാട് സയ്യിദ് ഹൈദരലി ശിഹാബ് തങ്ങളുടെ അധ്യക്ഷതയിൽ ആയിരുന്നു യോഗം.
“യുഡിഎഫുമായി നടത്തിയ ചര്ച്ച ഇന്നാണ് പൂര്ണമായി വിലയിരുത്തിയത്. യൂത്ത് ലീഗ് നേതാക്കളും യോഗത്തിന് ഉണ്ടായിരുന്നു. കാസർഗോഡ് മുതല് തിരുവനന്തപുരം വരെയുള്ള ജില്ലാ, മണ്ഡലം നേതാക്കളുടെ യോഗം ശനിയാഴ്ച നടക്കും. അതിനു ശേഷം പ്രഖ്യാപനം ഉണ്ടാകും”- കുഞ്ഞാലിക്കുട്ടി പറഞ്ഞു.
Also Read: പട്ടാമ്പി സീറ്റ്; മുഹമ്മദ് മുഹ്സിനെ മാറ്റണമെന്ന് ആവശ്യം; സിപിഐയിൽ ഭിന്നത