പൊന്നാനി: ആഘോഷമായി ഓണമുണ്ണാന്‍ നൈതല്ലൂര്‍ 12ആം വാര്‍ഡ് കോണ്‍ഗ്രസ് കമ്മിറ്റിയുടെ നേതൃത്വത്തില്‍ പച്ചക്കറികിറ്റുകള്‍ വിതരണം നടത്തി. 550 ലധികം വീടുകളിലേക്കാണ് കിറ്റുകള്‍ വിതരണം ചെയ്‌തത്‌. മൂന്നു മുതല്‍ മൂന്നരകിലോ വരെ വരുന്ന ഓരോ പച്ചക്കറികിറ്റും വാര്‍ഡിലെ ചെറുതും വലുതുമായ എല്ലാ വീടുകളിലും എത്തിക്കാന്‍ സാധിച്ചത് ഞങ്ങള്‍ക്ക് വലിയ സന്തോഷമാണ്.കോവിഡ് കാലമായത് കൊണ്ട് എല്ലാവരും സാമ്പത്തിക പ്രതിസന്ധിയിലായിരിക്കും. അത് കൊണ്ട് തന്നെ ഈ ചെറിയ കാര്യം പോലും പലര്‍ക്കും വലിയ സഹായമാകും; പ്രവര്‍ത്തകര്‍ വ്യക്‌തമാക്കി.
25-ഓളം പ്രവര്‍ത്തകര്‍ രാവിലെ 9ന് ആരംഭിച്ച കര്‍മ്മ പരിപാടി വൈകിട്ട് 5 മണിക്ക് അവസാനിച്ചു. കോവിഡ് മാനദണ്ഡങ്ങള്‍ പാലിച്ചു കൊണ്ടായിരുന്നു വിതരണം പൂര്‍ണ്ണമാക്കിയത്. കോണ്‍ഗ്രസ് വാര്‍ഡ് പ്രസിഡണ്ട് രാമചന്ദ്രന്‍ പൂഴിക്കുന്നത്ത്, സെക്രട്ടറി റഫീഖ് മാളിയേക്കല്‍ എന്നിവര്‍ നേതൃത്വം നല്‍കി.
