തിരുവനന്തപുരം : വോട്ടർ പട്ടികയിൽ പേരില്ലാത്തതിനാൽ നിയമസഭാ തിരഞ്ഞെടുപ്പിൽ വോട്ട് ചെയ്യാൻ കഴിയാത്തവർക്ക് ഉടൻ തന്നെ പേര് ചേർക്കാവുന്നതാണ്. അടുത്ത തിരഞ്ഞെടുപ്പ് അടുക്കുന്നത് വരെ പട്ടികയിൽ പേര് ചേർക്കാനായി കാത്തിരിക്കുന്ന രീതിയാണ് സാധാരണയായി പിന്തുടരുന്നത്. എന്നാൽ ഇപ്പോൾ തന്നെ പേര് ചേർക്കുന്നതാണ് ഉചിതമായ രീതി.
2021 ജനുവരി ഒന്നിനോ, അതിന് മുൻപോ 18 വയസ് തികയുന്ന ആളുകൾക്ക് ഇപ്പോൾ പേര് ചേർക്കാനായി അപേക്ഷിക്കാവുന്നതാണ്. ഓൺലൈനായി മാത്രമാണ് അപേക്ഷ സ്വീകരിക്കുന്നത്. ഇതിനായി www.voterportal.eci.gov.in എന്ന വെബ്‌സൈറ്റ് സന്ദർശിക്കാവുന്നതാണ്. കൂടാതെ ‘വോട്ടർ ഹെൽപ്‌ലൈൻ’ മൊബൈൽ ആപ് വഴിയും പേര് ചേർക്കാവുന്നതാണ്.
തദ്ദേശ തിരഞ്ഞെടുപ്പിന് വോട്ട് ചെയ്‌ത പലരും നിയമസഭാ തിരഞ്ഞെടുപ്പിലും വോട്ടർ പട്ടികയിൽ പേരുണ്ടെന്ന് ഉറപ്പിച്ച് കാത്തിരുന്നതിനാലാണ് വോട്ട് ചെയ്യാൻ അവസരം നഷ്‌ടമായത്‌. തദ്ദേശ തിരഞ്ഞെടുപ്പിനുള്ള വോട്ടർ പട്ടികയല്ല നിയമസഭാ, ലോക്‌സഭാ തിരഞ്ഞെടുപ്പുകൾക്കായി ഉപയോഗിക്കുന്നത്. അതിനാൽ തന്നെ വോട്ടർ പട്ടികയിൽ പേരുണ്ടോയെന്ന് പരിശോധിക്കാൻ www.ceo.kerala.gov.in, www.nsvp.in എന്നീ വെബ്സൈറ്റുകൾ സന്ദർശിക്കാവുന്നതാണ്.
Read also : 100 കോടി കാണാനില്ലെന്ന കെഎസ്ആർടിസി എംഡിയുടെ ആരോപണം; അന്വേഷണം നിലച്ചു
