ന്യൂഡെൽഹി: ഉത്തർപ്രദേശിലെ അലിഗഡിന്റെ പേര് മാറ്റണമെന്ന ആവശ്യവുമായി സർക്കാരിന് ശുപാർശ കൈമാറി. ജില്ലാ പഞ്ചായത്താണ് ഈ ആവശ്യം ഉന്നയിച്ചുകൊണ്ട് ശുപാർശ കൈമാറിയത്. ഹരിഗഡ് എന്ന് പേര് മാറ്റണമെന്നാണ് ശുപാർശയിൽ വ്യക്തമാക്കുന്നത്. നേരത്തെ ഇതേ ആവശ്യം ഉന്നയിച്ചുകൊണ്ട് നിരവധി ബിജെപി എംഎൽഎമാരും രംഗത്ത് എത്തിയിരുന്നു. ഇതിന് പിന്നാലെയാണ് ഇപ്പോൾ ശുപാർശ കത്ത് സർക്കാരിന് കൈമാറിയത്.
പഞ്ചായത്ത് ബോർഡിന്റെ യോഗത്തിലാണ് പേര് മാറ്റണമെന്ന ആവശ്യം ഉയർന്നത്. ഇത് അംഗങ്ങൾ പാസാക്കുകയായിരുന്നു. തുടർന്നാണ് പഞ്ചായത്ത് ശുപാർശ സർക്കാരിന് കൈമാറിയത്. നേരത്തെ അലഹാബാദ്, ഫൈസാബാദ് എന്നീ സ്ഥലങ്ങളുടെ പേരുകൾ സർക്കാർ മാറ്റിയിരുന്നു. നിലവിൽ അലഹബാദിന്റെ പേര് പ്രയാഗ് രാജെന്നും, ഫൈസാബാദിന്റെ പേര് അയോധ്യയെന്നുമാണ്. അലിഗഡിന് പുറമെ ധനിപൂർ എയർസ്ട്രിപ്പിന്റെ പേര് മാറ്റാനും നിർദേശം ഉയർന്നിട്ടുണ്ട്. കല്യാൺ സിംഗ് എയർസ്ട്രിപ്പ് എന്ന് മാറ്റാനാണ് ശുപാർശ.
Read also: ഒരാൾക്ക് കോവിഡ്; ന്യൂസീലന്ഡിൽ സമ്പൂർണ ലോക്ക്ഡൗണ് പ്രഖ്യാപിച്ചു