ന്യൂഡെല്ഹി: കോവിഡ് വാക്സിന് സര്ട്ടിഫിക്കറ്റില് നിന്ന് പ്രധാനമന്ത്രി നരേന്ദ്ര മോദിയുടെ ചിത്രം ഒഴിവാക്കി. നിയമസഭാ തിരഞ്ഞെടുപ്പ് നടക്കുന്ന പശ്ചിമ ബംഗാള്, തമിഴ്നാട്, അസം, കേരളം, പുതുച്ചേരി എന്നിവിടങ്ങളിലാണ് മോദിയുടെ ചിത്രം ഒഴിവാക്കിയത്.
തിരഞ്ഞെടുപ്പ് കമ്മീഷന്റെ നിര്ദേശപ്രകാരം ആരോഗ്യ മന്ത്രാലയമാണ് ചിത്രം നീക്കാന് ഉത്തരവ് നല്കിയത്. മാര്ച്ച് ആറിനാണ് മോദിയുടെ ചിത്രം സര്ട്ടിഫിക്കറ്റില് നിന്ന് നീക്കാന് തിരഞ്ഞെടുപ്പ് കമ്മീഷന് ആവശ്യപ്പെട്ടത്. ഇതിനെ തുടര്ന്ന് ആരോഗ്യവകുപ്പ് നടപടി സ്വീകരിക്കുകയായിരുന്നു.
വാക്സിനേഷന് സര്ട്ടിഫിക്കറ്റില് മോദിയുടെ ചിത്രം ഉള്പ്പെടുത്തിയത് തിരഞ്ഞെടുപ്പ് പെരുമാറ്റ ചട്ടലംഘനമാണെന്ന് ചൂണ്ടിക്കാട്ടി തൃണമൂല് കോണ്ഗ്രസ് തിരഞ്ഞെടുപ്പ് കമ്മീഷനെ സമീപിച്ചിരുന്നു. വാക്സിനേഷന് സര്ട്ടിഫിക്കറ്റില് ചിത്രം ഉള്പ്പെടുത്തുന്നത് ഡോക്ടർമാരുടെയും നഴ്സുമാരേയും ആരോഗ്യ പ്രവര്ത്തകരേയും സ്വാധീനിക്കാൻ സഹായകമാകുമെന്നും തൃണമൂല് ആരോപിച്ചിരുന്നു.
Malabar News: വടക്കഞ്ചേരി മേൽപാലത്തിൽ സുരക്ഷ ഒരുക്കിയില്ല; പ്രതിഷേധവുമായി ജനകീയവേദി