മുംബൈ: എൻസിപി മന്ത്രി നവാബ് മാലിക്കിന്റെ ആരോഗ്യനില മോശമായതിനെ തുടർന്ന് ഐസിയുവിലേക്ക് മാറ്റി. ഇഡി കസ്റ്റഡിയിൽ കഴിയവേ വൃക്കസംബന്ധമായ ആരോഗ്യ പ്രശ്നങ്ങളോടൊപ്പം പനിയും പിടിപെട്ടതിനെ തുടർന്ന് മുംബൈയിലെ ജെജെ ആശുപത്രിയിൽ ചികിൽസയിലാണ് അദ്ദേഹം.
കള്ളപ്പണം വെളുപ്പിക്കൽ കേസിൽ കഴിഞ്ഞ ഫെബ്രുവരി 23നാണ് മഹാരാഷ്ട്ര സർക്കാരിലെ ന്യൂനപക്ഷ ക്ഷേമമന്ത്രിയും എൻസിപി നേതാവുമായ നവാബ് മാലിക്കിനെ ഇഡി അറസ്റ്റ് ചെയ്തത്. എട്ട് മണിക്കൂറോളം നീണ്ട ചോദ്യം ചെയ്യലിന് ശേഷമായിരുന്നു ഇദ്ദേഹത്തിന്റെ അറസ്റ്റ്. മുൻ ആഭ്യന്തരമന്ത്രി അനിൽ ദേശ്മുഖും നേരത്തെ അറസ്റ്റിലായിരുന്നു.
Read also: സുരക്ഷാസേനക്ക് നേരെ കല്ലേറ്; ആക്രമണം അനന്ത്നാഗിൽ