ന്യൂഡെൽഹി: ഛത്തീസ്‌ഗഡിൽ നക്‌സൽ ആക്രമണത്തെ തുടർന്ന് ഒരു ഐടിബിപി ഉദ്യോഗസ്‌ഥന് വീരമൃത്യു. നാരായൺപൂരിൽ ഉണ്ടായ ഐഇഡി സ്‍ഫോടനത്തിലാണ് ഐടിബിപി ഉദ്യോഗസ്‌ഥന് വീരമൃത്യു സംഭവിച്ചത്. കൂടാതെ ഒരു ഹെഡ് കോൺസ്‌റ്റബിളിന് പരിക്കേൽക്കുകയും ചെയ്‌തു. ഐടിബിപിയുടെ സോൻപൂർ ക്യാമ്പിന് മൂന്ന് കിലോമീറ്റർ ചുറ്റളവിലാണ് സംഭവം നടന്നത്.
സ്‌ഫോടനത്തിൽ പരുക്കേറ്റ ജവാനെ ചികിൽസയ്‌ക്കായി റായ്‌പൂരിലേക്ക് അയച്ചിരിക്കുകയാണ്. ഇന്ന് രാവിലെ 8.30 ഓടെയാണ് സംഭവം നടന്നതെന്ന് ബസ്‌തർ റേഞ്ച് ഇൻസ്‌പെക്‌ടർ ജനറൽ വ്യക്‌തമാക്കി. ഡോണ്ട്രിബേഡയിലും സോൻപൂരിലും റോഡ് നിർമാണ പ്രവർത്തനങ്ങളുടെ സുരക്ഷ ഉറപ്പാക്കാൻ എത്തിയ ഐടിബിപി 53ആം ബറ്റാലിയൻ സംഘത്തിന് നേരെ നക്‌സലുകൾ പതിയിരുന്ന് ആക്രമിക്കുകയായിരുന്നു.
Read also: തിരുവല്ലം കസ്‌റ്റഡി മരണം; സിബിഐ അന്വേഷണം വേണമെന്ന് പ്രതിപക്ഷ നേതാവ്
