കാസർഗോഡ് : നീലേശ്വരം റെയിൽവേ സ്റ്റേഷന്റെ വികസനത്തിനായി സമഗ്ര പദ്ധതി തയ്യാറാക്കി അധികൃതർ. ജില്ലയിൽ യാത്രക്കാരുടെ എണ്ണത്തിലും പ്രതിദിന വരുമാനത്തിലും മൂന്നാം സ്ഥാനത്തുള്ള റെയിൽവേ സ്റ്റേഷനാണ് നീലേശ്വരം. മുൻഗണനയുടെ അടിസ്ഥാനത്തിൽ 3 വർഷത്തെ സമയ പരിധിക്കുള്ളിൽ വികസന പദ്ധതികൾ തീർക്കാനായി റെയിൽവേ ഡവലപ്മെന്റ് കളക്ടീവ് എന്ന കൂട്ടായ്മയും നിലവിൽ വന്നു.
റെയിൽവേ സ്റ്റേഷന്റെ തനത് പദ്ധതികൾക്കൊപ്പം അടിസ്ഥാന സൗകര്യങ്ങൾ വികസിപ്പിക്കുന്നതിനായി സന്നദ്ധ സംഘടനകളുടെ സാഹായവും ഉറപ്പ് വരുത്തും. കൂടാതെ ജില്ലയുടെ സാംസ്കാരിക കേന്ദ്രം, വളരുന്ന ടൂറിസം ഹബ്, നീലേശ്വരം നഗരസഭയ്ക്കു പുറമേ മലയോരത്തേതുൾപ്പെടെ 7 പഞ്ചായത്തുകളിലെ യാത്രക്കാരുടെ ആശ്രയം എന്നീ നിലകളിൽ കൂടുതൽ ട്രെയിനുകൾക്ക് സ്റ്റോപ് അനുവദിക്കേണ്ടതിന്റെ ആവശ്യകതയും റെയിൽവേ മന്ത്രാലയത്തിനെ കൂട്ടായ്മ അറിയിക്കും.
നീലേശ്വരം റെയിൽവേ പാസഞ്ചേഴ്സ് അസോസിയേഷൻ പ്രവർത്തനങ്ങൾക്ക് സാധ്യമായ നിർദേശങ്ങൾ നൽകും. കൂടാതെ 22 ലക്ഷം രൂപ ചെലവിൽ നീലേശ്വരം റോട്ടറി ക്ളബ് നടപ്പാക്കുന്ന റെയിൽവേ സ്റ്റേഷൻ സൗന്ദര്യവൽക്കരണ പദ്ധതിക്കു പിന്തുണ നൽകും.
Read also : മുഖ്യമന്ത്രി പെരുമാറ്റ ചട്ടം ലംഘിച്ചെന്ന് രമേശ് ചെന്നിത്തല; പരാതി