തിരുവനന്തപുരം: തിരഞ്ഞെടുപ്പ് പ്രഖ്യാപനത്തിന് ശേഷം മുഖ്യമന്ത്രി പിണറായി വിജയന് നടത്തിയ വാര്ത്താ സമ്മേളനങ്ങളില് മാതൃകാ പെരുമാറ്റച്ചട്ടം ലംഘിച്ചതായി പ്രതിപക്ഷ നേതാവ് രമേശ് ചെന്നിത്തല. വിഷയത്തിൽ മുഖ്യ തിരഞ്ഞടുപ്പ് ഓഫിസര്ക്ക് പരാതി നല്കി. പ്രഖ്യാപനം വന്ന ശേഷം നടത്തിയ വാര്ത്താ സമ്മേളനങ്ങളില് മുഖ്യമന്ത്രി പുതിയ പരിപാടികളും നയങ്ങളും പ്രഖ്യാപിച്ചതായ് ചെന്നിത്തല പരാതിയില് ചൂണ്ടിക്കാട്ടി.
മാത്രമല്ല, തിരഞ്ഞെടുപ്പില് പോസ്റ്റല് ബാലറ്റിലെ തിരിമറി തടയാനായി സീല് ചെയ്ത ബാലറ്റ് ബോക്സുകൾ ഉപയോഗിക്കണം എന്നും രമേശ് ചെന്നിത്തല ആവശ്യപ്പെട്ടു. 80 വയസ് കഴിഞ്ഞവര്ക്കും അംഗപരിമിതര്ക്കും ഇത്തവണ പോസ്റ്റല് ബാലറ്റ് ഉപയോഗിക്കാനാണ് തിരഞ്ഞെടുപ്പ് കമീഷന് നിര്ദേശിച്ചിരിക്കുന്നത്. പക്ഷേ, ഇത് ഇടതുപക്ഷം വ്യാപകമായി ദുരുപയോഗപ്പെടുത്താന് സാധ്യതയുണ്ടെന്ന് ചെന്നിത്തല ആരോപിച്ചു.
Read also: എസ്എസ്എൽസി, പ്ളസ് ടു പരീക്ഷകളിൽ തീരുമാനമായില്ല; ആശങ്ക