തിരുവനന്തപുരം: കേരളത്തിൽ ശക്‌തമായ മഴ ഉണ്ടാകുമെന്ന് മുന്നറിയിപ്പ്. മാർച്ച് രണ്ട്, മൂന്ന് തീയതികളിലാണ് കേരളം അടക്കമുള്ള ദക്ഷിണേന്ത്യൻ സംസ്‌ഥാനങ്ങളിൽ കേന്ദ്ര കാലാവസ്‌ഥാ വകുപ്പ് മഴ മുന്നറിയിപ്പ് നൽകിയിരിക്കുന്നത്. പുതുതായി രൂപപ്പെടുന്ന ന്യൂനമർദ്ദത്തിന്റെ അടിസ്‌ഥാനത്തിലാണ്‌ അറിയിപ്പ്.
കേരളം അടക്കമുള്ള ദക്ഷിണേന്ത്യൻ സംസ്‌ഥാനങ്ങൾക്കും അയൽരാജ്യമായ ശ്രീലങ്കയ്‌ക്കും ഭീഷണിയായി വീണ്ടും ന്യൂനമർദ്ദം രൂപപ്പെടുന്നതായാണ് റിപ്പോർട്. ബംഗാൾ ഉൾക്കടലിലും ആന്റമാൻ കടലിലുമായാണ് ന്യൂനമർദ്ദ സാധ്യത ഉള്ളത്.
ഫെബ്രുവരി 27ഓടെ ചക്രവാതച്ചുഴി രൂപംകൊള്ളും. പിന്നീട് ശക്‌തിയാർജിക്കും. തുടർന്ന് ശ്രീലങ്കൻ ഭാഗത്തേക്ക് നീങ്ങും. ഇതേ തുടർന്ന് ദക്ഷിണേന്ത്യൻ സംസ്‌ഥാനങ്ങളിൽ ശക്‌തമായ മഴയ്‌ക്ക് ഇത് കരണമായേക്കുമെന്നാണ് മുന്നറിയിപ്പ്.
Most Read: എയർ ഇന്ത്യ വിമാനം റുമാനിയയിൽ; ജാഗ്രതാ നിർദ്ദേശം നൽകി ഇന്ത്യൻ എംബസി
