കൊച്ചി: നടൻ ജോജു ജോർജ് അപമര്യാദയായി പെരുമാറിയെന്ന മഹിളാ കോൺഗ്രസ് പരാതിയിൽ നടത്തിയ പ്രാഥമിക അന്വേഷണത്തിൽ അദ്ദേഹത്തിന് എതിരെ തെളിവ് ഇല്ലെന്ന് കൊച്ചി പോലീസ് കമ്മീഷണർ സിഎച്ച് നാഗരാജു അറിയിച്ചു. എന്നാൽ ഈ പരാതിയിൽ വിശദമായ അന്വേഷണം നടക്കുന്നുണ്ട്. പക്ഷേ നിലവിൽ ജോജുവിനെതിരെ കേസ് രജിസ്‌റ്റർ ചെയ്‌തിട്ടില്ലെന്നും പോലീസ് പറഞ്ഞു. ജോജുവിനെതിരെ കോടതിയെ സമീപിക്കുമെന്നാണ് മഹിളാ കോൺഗ്രസ് പ്രവർത്തകർ പറയുന്നത്.
അതേസമയം, റോഡ് ഉപരോധിച്ച് പ്രതിഷേധം നടത്തിയതിനും, ജോജു ജോർജിന്റെ വാഹനം തകർത്തതിനും കേസ് എടുത്തിട്ടുണ്ടെന്ന് കമ്മീഷണർ പറഞ്ഞു. കേസിൽ ജോജു ചിലരെ തിരിച്ചറിഞ്ഞിട്ടുണ്ട്. തിരിച്ചറിഞ്ഞ പ്രതികളെ ഉടൻ അറസ്‌റ്റ് ചെയ്യുമെന്നും പോലീസ് വ്യക്‌തമാക്കി. നിലവിൽ മുൻ മേയർ ടോണി ചമ്മണി ഉൾപ്പടെ കണ്ടാൽ അറിയാവുന്ന 7 പേർക്കെതിരെയാണ് ജാമ്യമില്ല വകുപ്പ് പ്രകാരം കേസ് എടുത്തിരിക്കുന്നത്.
ജോജുവിന്റെ വാഹനത്തിന് ആറ് ലക്ഷം രൂപ നഷ്‌ടം വരുത്തിയെന്നും എഫ്‌ഐആറിൽ പറയുന്നു. കൂടാതെ നടന്റെ ഷർട്ടിൽ കുത്തിപ്പിടിച്ച് അസഭ്യം പറഞ്ഞുവെന്ന കുറ്റങ്ങളും പോലീസ് പ്രതികൾക്കെതിരെ ചുമത്തിയിട്ടുണ്ട്.
ഇന്നലെ രാവിലെയോടെയാണ് ഇടപ്പള്ളി വൈറ്റിലയിലെ ദേശീയപാതയിൽ ഇന്ധനവില വർധനക്കെതിരെ യൂത്ത് കോൺഗ്രസ് വഴി തടയൽ സമരം നടത്തിയത്. തുടർന്ന് ദേശീയപാതയിൽ രൂക്ഷമായ ഗതാഗതക്കുരുക്ക് ഉണ്ടാകുകയും ചെയ്‌തു. ഇതിന് പിന്നാലെയാണ് ഗതാഗതക്കുരുക്കിൽ പെട്ട ജോജു പ്രതിഷേധവുമായി രംഗത്തെത്തിയത്. ഇതേതുടർന്ന് കോൺഗ്രസ് നേതാക്കൾ ജോജുവുമായി വാക്കേറ്റം ഉണ്ടാകുകയും, താരത്തിന്റെ വാഹനം തകർക്കുകയും ചെയ്യുകയായിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
