കുവൈറ്റ്: കോവിഡ് വ്യാപനം രൂക്ഷമായി തുടരുന്ന സാഹചര്യത്തിൽ ഈ മാസം അവസാനം വരെ ജീവനക്കാർക്ക് അവധി നൽകുന്നത് നിർത്തി വച്ച് കുവൈറ്റ് ആരോഗ്യമന്ത്രാലയം. ജോലിയുടെ ഒഴുക്കിനെ ബാധിക്കാത്ത തരത്തിൽ പൊതു ജനങ്ങൾക്ക് മികച്ച സേവനം ലഭ്യമാക്കുന്നതിന്റെ ഭാഗമായാണ് ഇപ്പോൾ അവധി നൽകുന്നത് നിർത്തി വച്ചത്.
മെഡിക്കൽ, ടെക്നിക്കൽ, അസിസ്റ്റന്റ്, അഡ്മിനിസ്ട്രേറ്റീവ് തുടങ്ങി തൊഴിലാളികളുടെ അവധി ദിവസങ്ങൾ തീരുമാനിക്കാനുള്ള അധികാരം അസിസ്റ്റന്റ് അണ്ടർ സെക്രട്ടറിക്കാണുള്ളത്. നിലവിൽ രാജ്യത്ത് കോവിഡ് കേസുകളിൽ പ്രതിദിനം ഉയർച്ച രേഖപ്പെടുത്തുന്നുണ്ട്.
രോഗബാധ വർധിക്കുന്ന സാഹചര്യത്തിലാണ് മികച്ച സേവനം ലഭ്യമാക്കുന്നതിനായി ഇപ്പോൾ ജീവനക്കാർക്ക് അവധി നൽകുന്നത് ആരോഗ്യമന്ത്രാലയം നിർത്തി വച്ചത്.
Read also: ഫേസ്ബുക്കിന് കാലിടറുന്നു; സക്കർബർഗിന് നഷ്‌ടം 1.7 ലക്ഷം കോടി
