പത്തനംതിട്ട: കെപിസിസിയിൽ നേതൃമാറ്റം നടത്തേണ്ട സാഹചര്യമില്ലെന്ന് ഉമ്മൻ‌ചാണ്ടി. തദ്ദേശ തിരഞ്ഞെടുപ്പിന് പിന്നാലെ 14 ജില്ലകളിലെയും പാർട്ടി നേതാക്കളുമായും ചർച്ച നടത്തി. നേതൃമാറ്റം ഉണ്ടാവില്ലെന്ന് എഐസിസി നേതൃത്വവും വ്യക്‌തമാക്കിയിട്ടുണ്ടെന്ന് ഉമ്മൻ‌ചാണ്ടി പറഞ്ഞു. സംസ്‌ഥാനത്തെ കോൺഗ്രസിൽ നിലവിൽ നേതൃമാറ്റം ഉണ്ടാവില്ലെന്ന് കേരളത്തിന്റെ ചുമതലയുള്ള എഐസിസി ജനറൽ സെക്രട്ടറി താരിഖ് അഹമ്മദും നേരത്തെ വ്യക്‌തമാക്കിയിരുന്നു.
തദ്ദേശ തിരഞ്ഞെടുപ്പിൽ നേരിട്ട തിരിച്ചടിയെ തുടർന്ന് നേതൃമാറ്റം ആവശ്യപ്പെട്ട് കോൺഗ്രസിൽ അഭിപ്രായഭിന്നത രൂക്ഷമാണ്. കെപിസിസി പ്രസിഡണ്ട് മുല്ലപ്പള്ളി രാമചന്ദ്രനും പ്രതിപക്ഷ നേതാവ് രമേശ് ചെന്നിത്തലക്കും എതിരെ വിമർശനങ്ങൾ ഉയർന്നിരുന്നു. യുഡിഎഫ് ഘടകകക്ഷികളും വിഷയത്തിൽ അതൃപ്‌തി പ്രകടിപ്പിച്ചിരുന്നു. ഈ സാഹചര്യത്തിലാണ് കെപിസിസി നേതൃമാറ്റത്തെ കുറിച്ചുള്ള ചർച്ചകൾ സജീവമായത്.
Read also: നിയമസഭാ തിരഞ്ഞെടുപ്പ്; കോണ്‍ഗ്രസ് അഭിപ്രായ സര്‍വേ നടത്തും
