കണ്ണൂർ: പി ജയരാജന് സിപിഎം സീറ്റ് നിഷേധിച്ചതിൽ പ്രതിഷേധിച്ച് കണ്ണൂരിൽ രാജി. കണ്ണൂർ സ്പോർട്സ് കൗൺസിൽ വൈസ് പ്രസിഡണ്ടായ എം ധീരജ് കുമാറാണ് രാജിവെച്ചത്. ജില്ലയിലെ ഏറ്റവും ജനകീയനായ നേതാവിനെ ഒതുക്കുന്ന സിപിഎം നേതൃത്വത്തിന്റെ നിലപാട് അംഗീകരിക്കാൻ കഴിയാത്തതിനാലാണ് രാജിയെന്ന് ധീരജ് കുമാർ പറഞ്ഞു.
പി ജയരാജന് സീറ്റ് നിഷേധിച്ചത് നീതികേടാണ്. തന്റെ രാജിയിൽ പി ജയരാജന് പങ്കില്ല. സ്വന്തം തീരുമാനമാണ്, ധീരജ് കുമാർ പറഞ്ഞു. പാർട്ടിയുടെ പള്ളിക്കുന്ന് ബ്രാഞ്ച് അംഗം കൂടിയാണ് ധീരജ് കുമാർ.
2014ലാണ് ബിജെപി-ആർഎസ്എസ് ബന്ധം ഉപേക്ഷിച്ച് ധീരജ് സിപിഎമ്മിൽ എത്തിയത്. കണ്ണൂർ തളാപ്പ് അമ്പാടിമുക്കിൽ ധീരജിന്റെ നേതൃത്വത്തിൽ 50ലേറെ ബിജെപിക്കാരാണ് അന്ന് സിപിഎമ്മിൽ ചേർന്നത്. ധീരജിനെയും സംഘത്തെയും പാർട്ടിയുമായി അടുപ്പിച്ചത് അന്ന് സിപിഎം ജില്ലാ സെക്രട്ടറിയായിരുന്ന പി ജയരാജനാണ്. ജയരാജനുമായി അടുത്തബന്ധം സൂക്ഷിക്കുന്ന ധീരജ് പി ജയരാജന്റെ പിന്തുണയിലാണ് കണ്ണൂർ സ്പോർട്സ് കൗൺസിൽ വൈസ് പ്രസിഡണ്ട് സ്ഥാനത്തേക്ക് തിരഞ്ഞെടുക്കപ്പെട്ടത്.
Read also: വിനോദിനിക്ക് എതിരായ നടപടി; സിപിഎമ്മിന് എതിരെ രൂക്ഷ പ്രതികരണവുമായി വിടി ബൽറാം