മുംബൈ: വേണ്ടിവന്നാൽ മുംബൈയിലെ ശിവസേനാ ആസ്ഥാന മന്ദിരം ഇടിച്ചു തകർക്കുമെന്ന ബിജെപി എംഎൽഎ പ്രസാദ് ലാഡിന്റെ പ്രസ്താവനക്ക് മറുപടിയുമായി ശിവസേന നേതാവും മഹാരാഷ്ട്ര മുഖ്യമന്ത്രിയുമായ ഉദ്ധവ് താക്കറെ. ഭീഷണിയുടെ സ്വരം ശിവസേനയോട് വിലപ്പോവില്ല, കൃത്യമായ മറുപടിയുണ്ടാകുമെന്നും താക്കറെ പറഞ്ഞു.
മഹാരാഷ്ട്ര സർക്കാരിന്റെ ഒരു പരിപാടി ഉൽഘാടനം ചെയ്ത് സംസാരിക്കുക ആയിരുന്നു അദ്ദേഹം. ‘ഞങ്ങളെ ആക്രമിക്കുകയും മർദ്ദിക്കുകയും ചെയ്യുമെന്ന് ഭീഷണിപ്പെടുത്തുന്നവരോട് പറയാനുള്ളത് അത്തരമൊരു നീക്കത്തിന് മുതിരുമ്പോൾ തിരിച്ചടി കിട്ടിയാൽ അത് താങ്ങാൻ ബുദ്ധിമുട്ടാകുമെന്ന് മാത്രമേ പറയാനുള്ളൂ’, ഉദ്ധവ് പറഞ്ഞു.
സഖ്യകക്ഷി സർക്കാരിൽ അംഗങ്ങളായ എൻസിപിയുടെ ദേശീയ അധ്യക്ഷൻ ശരദ് പവാറിന്റെ കൂടി സാന്നിധ്യത്തിലാണ് ഉദ്ധവ് താക്കറെ ബിജെപിക്ക് മുന്നറിയിപ്പ് നൽകിയത്. അതേസമയം ശിവസേനയുടെ ആസ്ഥാന മന്ദിരം തകർക്കുമെന്ന പ്രസ്താവന നടത്തിയ ബിജെപി എംഎൽഎ പ്രസ്താവന പിൻവലിച്ച് മാപ്പ് പറഞ്ഞു.
Read Also: ഉത്തരേന്ത്യയിൽ കനത്ത മഴ തുടരുന്നു; മധ്യപ്രദേശിൽ ആറ് മരണം