തിരുവനന്തപുരം: എന്സിപി മന്ത്രിയായി എകെ ശശീന്ദ്രന് തന്നെ അഞ്ചുവര്ഷവും തുടരും. മുന്മന്ത്രി തോമസ് ചാണ്ടിയുടെ സഹോദരൻ തോമസ് കെ തോമസിന് മന്ത്രിസ്ഥാനം നല്കണമെന്ന എന്സിപി സംസ്ഥാന പ്രസിഡണ്ട് ടിപി പീതാംബരന്റെ ആവശ്യം തള്ളി. മന്ത്രിസ്ഥാനം പങ്കിട്ടേക്കുമെന്നായിരുന്നു ആദ്യം മുതലുള്ള റിപ്പോര്ട്ടുകള്.
ശശീന്ദ്രനെ മന്ത്രിയാക്കണമെന്ന നിലപാടാണ് സംസ്ഥാന സമിതിയില് ഭൂരിഭാഗം അംഗങ്ങളും എടുത്തത്. എന്നാൽ തോമസ് കെ തോമസിന് വേണ്ടി ടിപി പീതാംബരൻ ശക്തമായി വാദിച്ചതോടെ തീരുമാനം നീണ്ടു.
തുടര്ന്ന് മന്ത്രിസ്ഥാനം രണ്ടരവര്ഷം വീതം പങ്കിടാമെന്ന തീരുമാനത്തിലെത്തി. ദേശീയനേതൃത്വം ഈ തീരുമാനത്തെ എതിര്ത്തു. തുടര്ന്ന് ശശീന്ദ്രന് തന്നെ അഞ്ചുവര്ഷക്കാലം മന്ത്രിയായാല് മതിയെന്ന നിലപാടിലേക്ക് പാർട്ടി എത്തുകയായിരുന്നു.
Read Also: ടീച്ചറുള്ളത് ഒരു ധൈര്യമായിരുന്നു; കെകെ ശൈലജയെ ഒഴിവാക്കിയതില് ഗായിക സിതാര