തിരുവനന്തപുരം: സംസ്ഥാനത്ത് ലോക്ക്ഡൗൺ പ്രഖ്യാപിച്ച പശ്ചാത്തലത്തിൽ ലോക നഴ്സസ് ദിനം സംസ്ഥാനത്തെ വിവിധ സർക്കാർ ആശുപത്രികളിൽ കോവിഡ് മഹാമാരിക്ക് എതിരായ പ്രതിജ്ഞാ ദിനമായി ആചരിക്കാൻ കേരള ഗവ. നഴ്സസ് യൂണിയൻ തീരുമാനിച്ചു.
ഫ്ളോറൻസ് നൈറ്റിങ്ഗേലിന്റെ ഛായാചിത്രത്തിന് മുൻപിൽ ദീപം തെളിയിച്ചാണ് പ്രതിജ്ഞാ ദിനം ആചരിക്കുക. പ്രതിജ്ഞാ ദിനത്തിന്റെ സംസ്ഥാനതല ഉൽഘാടനം തിരുവനന്തപുരം ഫോർട് താലൂക്ക് ആശുപത്രിയിൽ ബുധനാഴ്ച രാവിലെ പത്തിന് നടക്കും.
കോവിഡ് പ്രതിരോധത്തിന് കേരളത്തിലെ മുഴുവൻ നഴ്സുമാരും ഒറ്റക്കെട്ടായി അണിനിരക്കുകയാണ്. എന്നാൽ അവസരം മുതലെടുത്ത് എൻആർഎച്ച്എം മുഖേനയും മറ്റും വളരെ തുച്ഛമായ ശമ്പളം മാത്രം നഴ്സുമാർക്ക് നൽകാനുള്ള നീക്കം ഉപേക്ഷിക്കണമെന്ന് സംസ്ഥാന പ്രസിഡണ്ട് കെഡി മേരിയും ജനറൽ സെക്രട്ടറി കെഎസ് സന്തോഷും ആവശ്യപ്പെട്ടു.
Read also: ഈദ്; ജില്ലയിലെ കണ്ടെയ്ൻമെന്റ് സോണുകളിൽ മാംസവിതരണം വിലക്കി