ദുബായ്: ഐസിസി ഏകദിന ബാറ്റ്‌സ്‌മാൻമാരുടെ റാങ്കിങ്ങിൽ ഒന്നാം സ്‌ഥാനം നിലനിർത്തി ഈ വർഷം അവസാനിപ്പിച്ച് ഇന്ത്യൻ നായകൻ വിരാട് കോഹ്‌ലി. ഓസ്‌ട്രേലിയക്കെതിരെ നടന്ന ഏകദിന പരമ്പരയിൽ നേടിയ അർധ സെഞ്ചുറികളോടെ 870 പോയന്റുകളുമായാണ് കോഹ്‌ലി ഒന്നാം സ്‌ഥാനം നിലനിർത്തിയത്.
പരിക്ക് കാരണം ഓസ്ട്രേലിയൻ പരമ്പരയിൽ നിന്നും വിട്ടുനിന്ന രോഹിത് ശർമയാണ് റാങ്കിങ്ങിൽ രണ്ടാം സ്‌ഥാനത്ത്‌. 842 പോയന്റുകളാണ് രോഹിത് ശർമക്കുള്ളത്. ബാബർ അസം (837), റോസ് ടെയ്‌ലർ (818), ആരോൺ ഫിഞ്ച് (791) എന്നിവരാണ് റാങ്കിങ്ങിൽ പിന്നീടുള്ളത്. കോഹ്‌ലിയും രോഹിത്തും ഒഴികെ മറ്റു ഇന്ത്യൻ കളിക്കാരൊന്നും തന്നെ ആദ്യ പത്തിൽ ഇടം നേടിയിട്ടില്ല.
? One ?, two fifties
? 249 runs at 83Australia captain Aaron Finch, who was the top run-scorer in the #AUSvIND ODIs, has moved into the top five in the @MRFWorldwide ICC Men’s ODI Batting Rankings ? pic.twitter.com/U2ZSH5fDCW
— ICC (@ICC) December 10, 2020
ബൗളർമാരുടെ റാങ്കിങ്ങിൽ 772 പോയന്റോടെ ന്യൂസിലൻഡ് താരം ട്രെൻഡ്‌ ബോൾട്ട് ഒന്നാമതെത്തി. 701 പോയന്റുമായി അഫ്‌ഗാനിസ്‌ഥാൻ താരം മുജീബ് റഹ്‌മാനാണ് രണ്ടാമത്. ജസ്‌പ്രീത് ബുംറ മൂന്നാം സ്‌ഥാനത്തേക്ക്‌ ഇറങ്ങി.
Josh Hazlewood, who picked up six wickets at 30 during the #AUSvIND ODI series, has moved to No.6 in the @MRFWorldwide ICC Men’s ODI Bowling Rankings ?
FULL RANKINGS ➡️ https://t.co/lRP67a820b pic.twitter.com/5wZrViPhcU
— ICC (@ICC) December 10, 2020
അതേസമയം ഓസീസിനെതിരായ ഏകദിന പരമ്പരയിൽ മികച്ച പ്രകടനം കാഴ്‌ച വെച്ച ഓൾറൗണ്ടർ ഹാർദിക് പാണ്ഡ്യ 553 പോയന്റുകളുമായി 49ആം സ്‌ഥാനം ഉറപ്പിച്ചു. കരിയറിൽ ആദ്യമായാണ് പാണ്ഡ്യ ആദ്യ 50നുള്ളിൽ ഇടം നേടുന്നത്.
Read also: ‘ഇന്നു മുതല്‍’ സിജു വില്‍സണ്‍; പോസ്‌റ്റര്‍ പുറത്തുവിട്ട് മഞ്‌ജു വാര്യര്‍
