ടോക്യോ: സൗദി അറേബ്യയുടെ കടുത്ത വെല്ലുവിളി മറികടന്ന് ബ്രസീല് ഒളിമ്പിക്സ് ഫുട്ബോളിന്റെ ക്വാര്ട്ടറില് പ്രവേശിച്ചു. ഗ്രൂപ്പ് ഡിയില് സൗദിക്കെതിരെ 3-1നായിരുന്നു കാനറികളുടെ ജയം. അതേസമയം ഗ്രൂപ്പില് നിന്ന് മുൻ ലോക ചാമ്പ്യൻമാരായ ജര്മനി പുറത്തായി. ആഫ്രിക്കന് കരുത്തരായ ഐവറി കോസ്റ്റുമായി സമനിലയില് പിരിഞ്ഞതോടെയാണ് ജര്മനിക്ക് പുറത്തേക്കുള്ള വഴി തെളിഞ്ഞത്.
ഗ്രൂപ്പ് ബിയിൽ നിന്ന് ദക്ഷിണ കൊറിയ, ന്യൂസിലന്ഡ് ടീമുകളും ക്വാര്ട്ടറിലെത്തി. ഹോണ്ടുറാസിനെ എതിരില്ലാത്ത ആറ് ഗോളിനാണ് ദക്ഷിണ കൊറിയ തകർത്തത്. ന്യൂസിലന്ഡ്-റൊമാനിയ മൽസരം ഗോള്രഹിത സമനിലയില് പിരിയുകയായിരുന്നു. സമനിലയാണെങ്കിലും ന്യൂസിലാൻഡ് ദക്ഷിണ കൊറിയക്കൊപ്പം ബി ഗ്രൂപ്പിൽ നിന്ന് ക്വാര്ട്ടറിലേക്ക് മുന്നേറി.
Read Also: ആരാധകർക്ക് ഓണ സമ്മാനം; ‘കുരുതി’ ആമസോൺ പ്രൈമിലൂടെ എത്തും