മസ്ക്കറ്റ്: ഒമാനില് വീണ്ടും രാത്രി യാത്രാ വിലക്ക് പ്രഖ്യാപിച്ചു. മാര്ച്ച് 28 ഞായറാഴ്ച മുതല് യാത്രാ വിലക്ക് പ്രാബല്യത്തില് വരും. നിയമ ലംഘകര്ക്കെതിരെ കര്ശന നടപടികളെടുക്കുമെന്ന് ഒമാന് സുപ്രീം കമ്മറ്റി അറിയിച്ചു. കോവിഡ് വ്യാപനത്തിന്റെ പാശ്ചാത്തലത്തിലാണ് രാജ്യത്ത് വീണ്ടും രാത്രി യാത്രാവിലക്ക് കൊണ്ടുവരുന്നത്.
മാര്ച്ച് 28 ഞായറാഴ്ച മുതല് ഏപ്രില് 8 വ്യഴാഴ്ച വരെയാണ് സഞ്ചാര വിലക്ക് നിലവിലുണ്ടാവുകയെന്ന് സുപ്രീം കമ്മിറ്റി അറിയിച്ചു. രാത്രി എട്ട് മണി മുതല് പുലര്ച്ചെ അഞ്ച് മണി വരെയായിരിക്കും യാത്രാ വിലക്ക്. ഈ സമയങ്ങളില് ജനങ്ങള് വീടുകളിൽ തന്നെ കഴിയണമെന്നാണ് സുപ്രീം കമ്മിറ്റിയുടെ നിർദേശം.
Read Also: കോവിഡ് വ്യാപനം; സൗദിയിലെ കൂടുതൽ മസ്ജിദുകൾ അടച്ചിടുന്നു