മസ്ക്കറ്റ്: കോവിഡ് 19 രോഗത്തിന്റെ പുതിയ വകഭേദം വിവിധ രാജ്യങ്ങളിൽ റിപ്പോർട്ട് ചെയ്യപ്പെട്ട സാഹചര്യത്തിൽ വീണ്ടും യാത്രാവിലക്ക് ഏർപ്പെടുത്താൻ ഒമാൻ. ഡിസംബർ 22 മുതൽ ഒരാഴ്ചത്തേക്കാണ് അതിർത്തികൾ അടക്കുക. ഒമാന്റെ കര, വ്യോമ, നാവിക അതിർത്തികൾ അടക്കാനാണ് തിങ്കളാഴ്ച നടന്ന സുപ്രീം കമ്മിറ്റി യോഗം തീരുമാനിച്ചത്.
കാർഗോ വിമാനങ്ങൾക്കും കപ്പലുകൾക്കും ട്രക്കുകൾക്കും യാത്രാവിലക്ക് ഏർപ്പെടുത്തിയിട്ടില്ല. ചൊവ്വാഴ്ച പുലർച്ചെ ഒരുമണി മുതൽ യാത്രാവിലക്ക് പ്രാബല്യത്തിൽ വരും. സ്ഥിതിഗതികൾ വിലയിരുത്തിയ ശേഷം തുടർ നടപടികൾ തീരുമാനിക്കും. കോവിഡ് സാഹചര്യത്തിൽ സൗദി അറേബ്യയും ഒരാഴ്ചത്തേക്ക് അതിർത്തികൾ അടച്ചിട്ടുണ്ട്.
Read also: യുകെയില് നിന്നുള്ള വിമാന സര്വീസുകള്ക്ക് വിലക്കേര്പ്പെടുത്തി ഇന്ത്യ