ബിഹാർ: സുൽത്താൻ ഗഞ്ചിൽ പാലം തകരാൻ കാരണമായത് ശക്‌തമായ കാറ്റാണെന്ന ഉദ്യോഗസ്‌ഥന്റെ വിശദീകരണം അൽഭുതപ്പെടുത്തിയെന്ന് കേന്ദ്രമന്ത്രി നിതിൻ ഗഡ്കരി. ഏപ്രിൽ 29 ന് ബീഹാറിലെ സുൽത്താൻഗഞ്ചിൽ ഗംഗാ നദിക്ക് കുറുകെ നിർമാണത്തിലിരിക്കുന്ന പാലം തകർന്നു വീണതിനുള്ള കാരണം ചോദിച്ചപ്പോൾ ‘ശക്‌തമായ കാറ്റ് കാരണമാണ് തകർന്നത് എന്നാണ് ഉദ്യോഗസ്‌ഥൻ വിശദീകരണം നൽകിയത്.
‘ഒരു ഐഎഎസ് ഉദ്യോഗസ്‌ഥന് എങ്ങനെയാണ് ഇത്തരമൊരു വിശദീകരണം വിശ്വസിക്കാൻ കഴിയുക. കാറ്റിൽ ഒരു പാലം എങ്ങനെ തകരുമെന്ന് എനിക്ക് മനസിലാകുന്നില്ല. എന്തെങ്കിലും പിശക് കാരണമായിരിക്കാം പാലം തകർന്നതെന്ന് ഞാൻ കരുതുന്നു-ഗഡ്കരി പറഞ്ഞു.
Read also: കോവിഡ് പോരാട്ടം; ഇന്ത്യ ലോകത്തിന് മാതൃകയെന്ന് നഡ്ഡ
