തൃശൂര്: ജില്ലയിലെ കൈപറമ്പില് ഗ്യാസ് സിലിണ്ടര് പൊട്ടിത്തെറിച്ചുണ്ടായ അപകടത്തിൽ ഒരാൾക്ക് പരിക്കേറ്റു. കൈപറമ്പ് സ്വദേശി വിജയനാണ് പരിക്കേറ്റത്.
ഇന്ന് പുലര്ച്ചെയാണ് വിജയന്റെ വീട്ടിൽ അപകടമുണ്ടായത്. ഗ്യാസ് സ്റ്റൗവില് നിന്ന് തീ പടരുകയായിരുന്നു. ഫയര്ഫോഴ്സെത്തി തീ അണച്ചു.
വീടിനുള്ളിൽ തീ പടരുന്നത് കണ്ട് ആദ്യം വിജയന് അടക്കമുള്ള കുടുംബാഗങ്ങള് പുറത്തേക്കിറങ്ങി പോയി. എന്നാൽ പിന്നീട് വീടിനകത്തേക്ക് ചെന്ന് വിജയന് ഗ്യാസിലെ തീ അണക്കാന് ശ്രമിക്കുകയും പൊടുന്നനെ സിലിണ്ടര് പൊട്ടിത്തെറിക്കുകയും ആയിരുന്നു. പൊട്ടിത്തെറിയുടെ ആഘാതത്തില് ഗുരുതര പരിക്കേറ്റ വിജയനെ തൃശൂര് മെഡിക്കല് കോളേജില് പ്രവേശിപ്പിച്ചിരിക്കുകയാണ്.
ഓടിട്ട വീടായതിനാല് കഴുക്കോലിലേക്ക് തീപടരുകയായിരുന്നു. അപകടത്തിൽ വീടിന്റെ രണ്ടാം നിലയുടെ മേല്ക്കൂര പൂര്ണമായും തകര്ന്നു. ഒന്നാം നിലക്കും സാരമായ കേടുപാടുകള് പറ്റിയിട്ടുണ്ട്. അപകട സമയത്ത് അടുക്കളയില് ആരുമില്ലാതിരുന്നത് വലിയ അപകടം ഒഴിവാക്കി.
Must Read: ഗ്യാസ് സിലിണ്ടര് ദുരന്തങ്ങള് ഒഴിവാക്കാന് ഈ അറിവുകള്ക്ക് നേരെ മുഖം തിരിക്കാതിരിക്കാം