ന്യൂഡെൽഹി: രാജ്യത്തെ കോവിഡ് രോഗവ്യാപനം അതിരൂക്ഷമായി തുടരുന്ന സാഹചര്യത്തിൽ ആരോഗ്യ മേഖലക്ക് സഹായവുമായി ഇന്തോനേഷ്യയിലെ ജക്കാർത്തയിൽ നിന്നും ഓക്സിജൻ കണ്ടെയ്നറുകൾ ഇന്ത്യയിലെത്തി. ജക്കാർത്തയിൽ നിന്നും രണ്ട് കണ്ടെയ്നറുകളാണ് ഇന്ത്യൻ വ്യോമസേനയുടെ ഐഎൽ-76 വിമാനം വഴി രാജ്യത്തെത്തിച്ചത്. അതിനിടെ സിംഗപ്പൂരിൽ നിന്ന് മൂന്ന് ഓക്സിജൻ കണ്ടെയ്നറുകൾ കൂടി ഇന്ത്യയിൽ എത്തിക്കാനുണ്ടെന്ന് വ്യോമസേന അറിയിച്ചു.
അതേസമയം, രാജ്യത്തിനകത്ത് 14 ഓക്സിജൻ ടാങ്കറുകൾ വിവിധ സ്ഥലങ്ങളിൽ എത്തിച്ചിട്ടുണ്ടെന്നും ഇനിയും 19 ടാങ്കറുകൾ എത്തിക്കാനുള്ള ഒരുക്കത്തിലാണ് വ്യോമസേനയെന്നും അധികൃതർ വ്യക്തമാക്കി.
Read also: ബി, എബി രക്ത ഗ്രൂപ്പുകാർക്ക് കോവിഡ് സാധ്യത കൂടുതൽ; ഒ ഗ്രൂപ്പുകാരിൽ കുറവെന്നും പഠനം