പാലക്കാട്: ജില്ലാ ആശുപത്രി വികസന പ്രവർത്തനങ്ങളുടെ ഭാഗമായി പൊളിച്ച് മാറ്റേണ്ട കെട്ടിടങ്ങളുടെ പട്ടിക സർക്കാരിന് സമർപ്പിച്ചു. സർക്കാരിന്റെ അനുമതി ലഭിച്ചാലുടൻ കെട്ടിടങ്ങൾ പൊളിച്ച് മാറ്റി ആശുപത്രി വികസന പ്രവർത്തനങ്ങൾ ആരംഭിക്കും. മെഡിക്കൽ സ്‌പെഷ്യാലിറ്റി, സർജിക്കൽ സ്‌പെഷ്യാലിറ്റി തുടങ്ങി രണ്ട് ലക്ഷം ചതുരശ്ര അടിയിലാണ് അത്യാധുനിക ആശുപത്രി കെട്ടിടം നിർമിക്കുന്നത്.
കിഫ്ബിയുടെ 127.15 കോടി രൂപയുടെ വികസന പ്രവർത്തനങ്ങളാണ് ജില്ലാ ആശുപത്രിയിൽ നടപ്പിലാക്കുന്നത്. കെട്ടിട നിർമാണത്തിന് 64.11 കോടിയുടെ എസ്‌റ്റിമേറ്റിനാണ് അംഗീകാരം നൽകിയത്. അനുബന്ധ പ്രവർത്തനങ്ങൾക്ക് 4.21 കോടി, പ്ളംബിങ് ജോലിക്ക് 6.68 കോടി, വൈദ്യുതീകരണത്തിന് 9.29 കോടി, ലിഫ്റ്റുകൾക്ക് 2.13 കോടി, എയർ കണ്ടീഷൻ 1.62 കോടി, സബ് സ്‌റ്റേഷൻ ഉപകരണങ്ങൾക്ക് 8.29 കോടി, വാട്ടർ ടാങ്കിന് 1.08 കോടി, മറ്റ് വികസന പ്രവർത്തനത്തിന് 1.61 കോടി, സർവീസ് കെട്ടിടത്തിന് 70 ലക്ഷം എന്നിങ്ങനെയാണ് വകയിരുത്തിയത്.
240 കിടക്കകൾ ഉള്ള വാർഡാണ് ഒരുക്കുന്നത്. ഐസിയു, നിരീക്ഷണ ഐസിയു എന്നിവയിൽ 48 കിടക്കകളും റിക്കവറി, പോസ്‌റ്റ് ഓപ്പറേഷൻ എന്നിവയിൽ 59 കിടക്കയും ഒരുക്കും.
Read Also: രാജ്യത്ത് 1500 പുതിയ ഓക്‌സിജൻ പ്ളാന്റുകൾ; ദൗർലഭ്യം പരിഹരിക്കുമെന്ന് പ്രധാനമന്ത്രി
