കണ്ണൂർ: മുസ്ലിം ലീഗ് പ്രവർത്തകൻ മൻസൂറിന്റെ കൊലപാതകത്തിൽ പ്രതിഷേധിച്ച് പാനൂരിൽ ഇന്ന് യുഡിഎഫ് പ്രതിഷേധ സംഗമം. പ്രതിപക്ഷ നേതാവ് രമേശ് ചെന്നിത്തല പ്രതിഷേധ പരിപാടി ഉൽഘാടനം ചെയ്യും. മുസ്ലിം ലീഗ് ദേശീയ ജനറൽ സെക്രട്ടറി പികെ കുഞ്ഞാലിക്കുട്ടി, എംപിമാരായ കെ മുരളീധരൻ, കെ സുധാകരൻ ഉൾപ്പടെയുള്ള നേതാക്കൾ പാനൂരിലെത്തും.
കൊലപാതക കേസിൽ ക്രൈം ബ്രാഞ്ച് സംഘം പക്ഷപാതപരമായാണ് പ്രവർത്തിക്കുന്നത് എന്നാണ് യുഡിഎഫ് ആരോപണം. മുതിർന്ന ഐപിഎസ് ഉദ്യോഗസ്ഥൻ കേസ് അന്വേഷിക്കണമെന്നും ആവശ്യം ഉയരുന്നുണ്ട്. പ്രതിഷേധ സംഗമത്തിന് എത്തുന്ന നേതാക്കൾ മൻസൂറിന്റെ കുടുംബത്തെയും സന്ദർശിച്ചേക്കും.
Read also: തിരഞ്ഞെടുപ്പ് പോസ്റ്ററുകൾ ആക്രിക്കടയിൽ; കോൺഗ്രസ് പ്രവർത്തകനെ പുറത്താക്കി