ടോക്യോ: പാരാലിമ്പിക്‌സില്‍ മെഡൽ വേട്ട തുടർന്ന് ഇന്ത്യ. പുരുഷന്‍മാരുടെ ഡിസ്‌കസ് ത്രോയില്‍ വിനോദ് കുമാര്‍ വെങ്കലം നേടിയതോടെ ഇന്ത്യയുടെ മെഡൽനേട്ടം മൂന്നായി.
19.91 മീറ്റര്‍ ദൂരത്തിൽ ഡിസ്‌ക് പായിച്ചാണ് വിനോദ് കുമാർ വെങ്കലത്തിൽ മുത്തമിട്ടത്. ഏഷ്യന്‍ റെക്കോര്‍ഡ് തിരുത്തിയാണ് താരത്തിന്റെ നേട്ടം.
Vinod Kumar – Remember the name ?
It’s a #Bronze for #IND as his best throw of 19.91m in the Men’s Discus Throw F52 final earns the nation their THIRD medal of the day.
P.S – He also set a new Asian record! ?#Tokyo2020 #Paralympics #ParaAthletics pic.twitter.com/jv92vZgBDQ
— #Tokyo2020 for India (@Tokyo2020hi) August 29, 2021
നേരത്തെ ഇന്ത്യക്കായി നിഷാദ് കുമാര്‍ ഹൈജമ്പിലും ഭവിന പട്ടേല്‍ ടേബിള്‍ ടെന്നീസിലും വെള്ളി മെഡലുകള്‍ നേടിയിരുന്നു.
ഹൈജമ്പ് മൽസരത്തില്‍ 2.06 മീറ്റര്‍ ഉയരം ചാടിയാണ് നിഷാദ് കുമാര്‍ വെള്ളി മെഡല്‍ സ്വന്തമാക്കിയത്. ഹൈജമ്പില്‍ ദേശീയ ചാമ്പ്യനും 2019ലെ വേള്‍ഡ് ചാമ്പ്യന്‍ഷിപ്പില്‍ ദേശീയ, ഏഷ്യന്‍ റെക്കോർഡ് ഉടമയുമാണ് നിഷാദ്. അതേസമയം റിയോയില്‍ ചാമ്പ്യനായ അമേരിക്കന്‍ താരമാണ് സ്വര്‍ണ മെഡല്‍ നേടിയത്. വനിതാ ടേബിള്‍ ടെന്നീസ് ഫൈനലില്‍ ലോക ഒന്നാം നമ്പര്‍ താരമായ ചൈനയുടെ യിഹ് ഷൗനുമായുള്ള മൽസരത്തിലാണ് ഭവിന വെള്ളി നേടിയത്. സ്‌കോര്‍ 7-11, 5-11, 6-11.
Most Read: ഡെൽഹി മെട്രോയിൽ ഇനിമുതൽ ട്രാൻസ്ജെൻഡേഴ്സിന് പ്രത്യേക ശൗചാലയം
