വാഷിങ്ടൺ: ജോൺസൺ ആൻഡ് ജോൺസൺ കോവിഡ് പ്രതിരോധ വാക്സിൻ ഉപയോഗം പുനരാരംഭിക്കാൻ യുഎസ് ആരോഗ്യവകുപ്പിന്റെ അനുമതി. കുത്തിവെച്ചതിന് ശേഷം രക്തം കട്ടപിടിക്കുന്നുവെന്ന ആശങ്കയെ തുടർന്ന് ഏപ്രിൽ 14നാണ് ജോൺസൺ ആൻഡ് ജോൺസൺ വാക്സിൻ ഉപയോഗം നിർത്തിവെച്ചത്.
എന്നാൽ, അപൂർവം കേസുകളിൽ മാത്രമാണ് രക്തം കട്ടപിടിക്കുന്ന പ്രശ്നം കണ്ടെത്തിയതെന്ന് യുഎസ് ആരോഗ്യവകുപ്പ് വ്യക്തമാക്കി. കൃത്യമായ നിരീക്ഷണത്തിൽ ആയിരിക്കും വാക്സിൻ ഉപയോഗം വീണ്ടും ആരംഭിക്കുകയെന്നും അധികൃതർ അറിയിച്ചു.
ജോൺസൺ ആൻഡ് ജോൺസൺ വാക്സിൻ സ്വീകരിച്ച 3.9 മില്യൺ സ്ത്രീകളിൽ നടത്തിയ പഠനത്തിൽ 15 പേർക്ക് മാത്രമാണ് രക്തം കട്ടപിടിക്കുന്ന പ്രശ്നം കണ്ടെത്തിയത്. ഇതിൽ 13 സ്ത്രീകളും 50 വയസിൽ താഴെയുള്ളവരാണ്. പുരുഷൻമാരിൽ ആർക്കും തന്നെ ഈ പ്രശ്നം റിപ്പോർട് ചെയ്തിട്ടില്ല. യൂറോപ്യൻ ആരോഗ്യ നിയന്ത്രണ ഏജൻസിയും രക്തം കട്ടപിടിക്കൽ രോഗം അപൂർവമായി മാത്രമാണ് കണ്ടെത്തിയിട്ടുള്ളത്.
Also Read: സംസ്ഥാനത്ത് കോവിഡ് വാക്സിൻ സൗജന്യം; ബംഗാളിൽ വാഗ്ദാനവുമായി അമിത് ഷാ