ഗൂഗിൾ പ്ലേ സ്റ്റോറിൽ നിന്ന് ഒഴിവാക്കിയതിനെ തുടർന്ന് വിശദീകരണവുമായി എത്തിയിരിക്കുകയാണ് പേ ടിഎ. ആപ്ലിക്കേഷനിൽ പുതിയ ചില അപ്ഡേറ്റുകൾ വേണ്ടതിനാലാണ് പ്ലേ സ്റ്റോറിൽ നിന്ന് ഒഴിവാക്കിയതെന്നും ഉടൻ തന്നെ മടങ്ങിയെത്തുമെന്നും ട്വിറ്ററിലൂടെ പേ ടിഎം അറിയിച്ചു. ഉപയോക്താക്കളുടെ പണം പൂർണ സുരക്ഷിതമാണെന്നും തുടർന്നും പേ ടിഎം ആപ്പ് സാധാരണ പോലെ ഉപയോഗിക്കാം എന്നും അവർ വ്യക്തമാക്കി.
Dear Paytm’ers,
Paytm Android app is temporarily unavailable on Google’s Play Store for new downloads or updates. It will be back very soon.
All your money is completely safe, and you can continue to enjoy your Paytm app as normal.
— Paytm (@Paytm) September 18, 2020
വാതുവെപ്പിന് സഹായിക്കുന്ന ഓൺലൈൻ ഗെയിമുകൾ ഉപയോഗിക്കാൻ പേ ടിഎം ആപ്പ് അനുവദിച്ചതാണ് പ്ലേ സ്റ്റോറിൽ നിന്ന് ഒഴിവാക്കാൻ കാരണം. വാതുവെക്കാൻ പ്രോത്സാഹിപ്പിക്കുന്നത് നയപരമായ ലംഘനമാണെന്ന് പ്ലേ സ്റ്റോർ ചൂണ്ടിക്കാട്ടിയിരുന്നു. ചൂതാട്ടത്തിനെതിരെ പുതിയ മാർഗനിർദ്ദേശങ്ങൾ ഗൂഗിൾ ഇന്ന് പുറത്തിറക്കിയിരുന്നു.
പേ ടിഎം ഫോർ ബിസിനസ്, പേ ടിഎം മാൾ, പേ ടിഎം മണി തുടങ്ങിയ ആപ്പുകൾ ഇപ്പോഴും പ്ലേ സ്റ്റോറിൽ ലഭ്യമാണ്. പ്ലേ സ്റ്റോറിൽ നിന്ന് ആപ്പ് ഒഴിവാക്കിയതിന്റെ ഔദ്യോഗിക പ്രസ്‌താവന ഇതുവരെ പുറത്തു വന്നിട്ടില്ല. ആദ്യമായിട്ടാണ് പേ ടിഎമ്മിന്റെ പ്രധാന ആപ്പ് പ്ലേ സ്റ്റോറിൽ നിന്നും ഒഴിവാക്കുന്നത്.
